عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
كل عام و انتم بخير يا صبايا و يا نسوان
انا ليا فترة ادخل القسم دا و احيانا ارد و احيانا ادعي بظهر الغيب و اخرج لكن دي المرة داخلة ابغى افضفض ابغى اتكلم و احد يسمعني لاني مليييت و طقييييت من البكا يمكن في منكم اللي تفهمني و في اللي لا لكن اخرتها ابغى دعوة بظهر الغيب يمكن تستجاب محد يعرف
انا حكايتي صارلي متزوجة سنة و 4 اشهر و كنت بالبداية اكره شي اسمه اطفال يمكن لاني ما قد جربت الاحساس دا او ما اكتشفته بداخلي بعد زواجي بسنة او بمعنى اصح يوم ما كملت سة يوم ما اكتشفت اني حامل الصراحة فرحت موووووت و انبسطت و حسيت الدنيا مو سايعتني و قعدت احلم و ارسم و اخطط و ايش ابغى اسمي و من فين اشتري و فين اولد و الى اخره لكنت لربي حكمة بكل شي و ما تم الحمل دا بالشهر الثالث ربي خد وداعته و عملت عملية تنظيف و راح الللي ببطني و راحت احلامي معاه و الى الان كل ما افتكر اجلس ابكي و انهار عارفة بتقولو ربي بيعوضك و لا تعملي في نفسك كدا بس والله مو لشي الا لاني جربت الاحساس دا و ابغى ارجع احس فيه ثاني و ثالث و رابع كمان من كم يوم جاتني وحدة اتزوجت من 5 اشهر و قالت انها حامل فرحتلها و ربي يشهد عليا و كثيير اتزوجو بعدي و اللي عندها طفل و حامل بالثاني و اللي يا حافظ حامل الان ربي يثبتلهم حملهم لكن زي اي وحدة تبغى طفل راح احس بغيرة مو اني احسدهم لا والله اني ابغى زيهم لان الغيرة غريزة بالبني ادم و ما يقدر يتحكم فيها مني عارفة ايش اسوي و لا ايش اعمل عشان احمل عارفة انه كله بيد الرزاق بس هو كمان قال اسع يا عبدي و انا اسع معاك يعني لازم اخد بالاسباب بس ايش هي الاسباب مدري
انا كدا ارتحت لمن اتكلمت لاني متاكدة هلاقي حلول و اذا ما لقيت اكيد بلقالي دعوة والله يرزقني و يرزق كل محرومة ياااارب
