ابغى خطه جهمنية

اليوم موضوعي غير,,, طير النوم من عيني بصراحه وانا افكر , ومقدر اسكت عن الموضوع لالازم اسوي شيء

بدخل بالموضوع على طول

اللي هو طليق اختي ,,,

اختي دكتورة وتزوجت واحد من كم سنه للاسف كان طماع بفلوسها ,, بهدلها ومرمطها اليم خلاها تاخذ قرص من البنك علشانه .. والذكي خلاها تسحب المبلغ كاش مش تحويل من حساب الى حساب
علشان مايصير عليه شيء !!

طبعا مرره تهبدلت معه فووق ماتتصورون .. بعد ماخذ اللي يبغى كرهها بعيشتها ( خلاص كرتها احترق) وصار يتفنن في تعذيبها وحرق الاعصاب الين ماعافته وطلبت الطلاق

وحتى الطلاق مابيطلق بسهوله .. الين ماخلعته ( علشان ترجع له المهر) وبالاخر يطلع هو الكسبان ومافي اي اثبانات عليه !!

بالله عليهكم مو سالفه تقهر ؟؟

واختي على ذمته (بعد ماخذ الفلوس) قرر يتزوج عليها … وطبعا هو يدور على دكتوره ,, هي ظنت بيتزوج دكتورة علشان يقهرها انها نفس المستوى ,, لكن هو طموحه مادي بحت !!

بعد ماخطب كلمنا اهل البنت وبلغناهم بفايل هالشخص اللي ناوين يناسبونه ,, لكن هم ماصدقو او يمكنه هو مابقى شيء ماقاله عن زوجته الاولى فعلشان كذا ماصقو كلامنا .. اكيد بيقولون غيره حريم

هذا غير انه ينشن انه يتزوج دكتورة فوق ال 30 يعني تاخرت على الزواج وبتفرح اذا هو تقدم لها

اختي مره بهدلها طليقها بالمحاكم على كل شيء,, والله انها طلعت من البيت بالملابس اللي عليها بس حتى اغراضها مارضى يرجع لها شيء , واتهمها انها هي سارقه فلوسه ودفتر شيكاته ..
هذا غير القضايا الثانيه … والله لو بتكلم مابتكفيني صفحات المنتدى

المهم …..

حاليا امي كلمت خطابه علشان ودها تزوج اختي ,, حرام خليها تجرب الحياه مع شخص ثاني يمكن يعوضها عن المر اللي كانت عايشته .

وبالصدفه !!!!!!!!!!!!!!!!!!!

كلمتها الخطابه عن الفارس الشهم الشجاع الغني ولد القبايل ,, نسيبنا الزفت !!

تخيلو يا بنات ,, بيتزوج على زةجته الدكتوره ( الثانيه) والعذر انها مشغوله بمناوباتها
ووده يتزوج دكتوره او مدرسه ………….. يبي يضمن الراتب !!

طيب دام ان زوجتك الدكتورة تتعذر بدوامها , ليع ماتتزوج لك عاطله عن العمل علشان تتفرغ لك ؟؟؟

امي ماحبت تبين للخطابه انه كان نسينا السابق , لنه مرررره راعي مشاكل ومو بعيده بكره يشكتي بالمحكمة اننا شوهنا سمعته

وانا اقول لامي ايه خلاص تزوج الثانيه وبعد ماخذ اللي عندها خلاص احترق كرتها وصار يدور وحده ثالثه ينصب عليها . هذا اذا ماكان فيه قبل اختي واحنا ماندري!!!

الموضوع مرررره قهرني ,, انه بعد كل هالسنين مازال ماشي على خطته , ويلعب على بنات الناس
ويستغل حاجه البنت للزواج خاصه المتاخرات عن الزواج .

هو بالبدايه يبين انه الرجل المثالي اللي الكل يتمناه لبنته وبعد مايتم الموضوع يطلع على حقيقته!!

بودي اتصرف بالموضوع مابيه يكمل نصبه على بنات الناس .

فكرت اكلم هالخطابه واقولها عن سواياه .. لكن اخاف انها ماتصدق , او ماتهتم لان هدفها مادي بتزوج اثنين وتاخذ المقسوم وخلاص هي مابتعطيه بنتها !!