عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اول شي يا بنات ابغى اقولكم شي… بانو من ساعه اشتراكي بهذا المنتدى وانا تغيرت …صرت اقراء قصص واستفيد منها… احسن بكثير صراحه من المنتديات المختلطه او مواقع التعارف
يا بنات انا عمري خمسه وعشرين وتخرجت حسيت بفراغ كبير…. صراحه انالما اشتركت في المنتدى وقراءت عن فوائد الاستغفار والادعيه بنيه الزواج…. وانا متبعتها ولي مده وانا على هذا الحال.. يمكن ثلاث شهور.
ابدخل في الموضوع الحين .. انا قبل اربع سنوات خطبني ابن خالتي … وانا في هذيك الفتره كانت مررره نفسيتي زفت بسبب طلاق امي وابوي وكانت مررره المشاكل معبيه بيتنا مو مخليتنا حتى نتفس او نعيش حياتنا طبيعي … وعلى هذا كلو امي وابوي الله يسامحهم كل مشاكلهم وصلت عند الناس وانفضحنا ووصلت للمحاكم … يعني صارت سمعتنا بالارض غير قسوه ابوي على البنات ومنعنا من الدراسه ومنعنا من الطلوع من البيت .. يعني عيشت خمس سنوات من عمري في عذاب ما اعتقد فيه بنت عاشته … الله بس لا يوريكم
المهم في هذيك الفتره خطبني ابن خالتي وقتها …. وانا كنت متردده نظرا لكرهي للرجال عامتا … وتاخرت بالرد ثلاث ايام كنت افكر وسويت استخاره وحسيت عادي …قام هو اتصل على اخوي الكبير قال له ليش تاخرت بالرد ترى( تحمد ربها انو انا اخطبها من بعد ما ابوها كرشها وكذا)..قله اخوي والله اذا مو عاجبك ما انت مضطر انك تخطبها . وقله قفل ولا عاد اشوف وجهك مره ثانيه وكذا
على فكره هو هذا اخواني يقولون عنو انو لسانه مررره سليط وما يقدر الناس لا رجال ولا نساء … يعني هو اصلا كذا مع اهلو يعني العائله كلها طبعها كذا سلطين اللسان من ابوهم حتى خالتي الله يهديها صارت بعد كذا انعدت منهم
بس اخواني يقولون انو قلبو طيب وكل صفاته زينه مافيه عيب الا انو دب ولسانه متبري منو
الحين يا بنات على وشك يخطبني مره ثانيه من كلام اخته لي … بس انا بصراحه قلبي مقبوض مررره وما ودي اصلا يجي يخطب
وصرت ادعي انو ربي يبعدني عنو لاني بصراحه ما ابغى اتزوج اي واحد…
ساعات اقول لنفسي اجلس تحت نصيبي وادعي ربي انو يرزقني رجل صالح احسن ما اتزوج واحد يخلي حياتي جحيم بسبب خوفي من العنوسه
وانا استشرت ناس من عايلتنا قالو لي عادي تغيره بعد الزواج….يا بنات انا ضد هذا المبداء … والله مافي شي اسمو تغير فيه يمكن تحسين الصفات بس تغيرها استحاله …لانو فيه صفات مكتسبه وفيه صفات يجبلها ربي فيك اول ما تنولد… الانسان يقدر يغير ويحسن الصفات المكتسبه بس الصفات الاساسيه زي البخل الكرم الشجاعه الانانينه لايمكن… هذي من خبرتي في الحياه… وخلاصه تجربه امي مع ابوي
فاهمين يا بنات انا ابغى تشيرو علي الي تقول لي تزوجيه تقول لي الاسباب علشان تقنعني
والي معي في الرفض تقولي برضو ليش من نظرتها بالحياه
يا بنات لا تخلوني اخذ القرار واندم…. والله انا عشت حياتي كلها في مشاكل وممنازعات وهموم وفاقده الحنان… ما ابغى اتزوج اي واحد علشان اهرب من واقعي وانصدم بعدين
