ابني

اصلا مو عارفه ازا المحل صح او لا بس مجلوطه 😆

انا عندي ولد عمره سنتين ونص ماشالله عليه زكي كتير يعني لدرجه انه ازا ابو حكالي كلمه ممكن يعيدها بغض النظر عنها

بس مو هون المشكله المشكله ساعه النوم بطلع معه على غرفته بحطه بتخته ووبقرأله قران وباجي انزل بلائي ئدامي مجلوووووووووووووطه منه انه وئت النوم خلص روح اندفس

طبعا بتحجج بدي اكل بدي بابا بدي سياره بدي مي بدي حليب ومن هالحجج

المهم انه انا بدي حل لهاد الولد بدي اعد مع جوزي تحت والله بطلع بنيمه لحد ما ينام وانا رايحه بين غرفتي وغرفته رايحه جاي لحد ما يغفى وكمان حجج غطيني السياره وئعت الحليب خلص وخدوا على حجج 👿

بدي جوزي والله شتئتله ما بشوفه بالمره بروح من شغله بنئعد شوي انه بنتعشى وبعدين بلعب مع الولاد شوي بعدين بنيم بنتي وباجي انيم النوري الصغير بدي حل لانه التهديد ما بنفع ولا الحكي المنيح ولا الضرب ولا اي شي حتى احيانا بحكيله ازا نام اله هديه او اله طلعه او انه رح احضره فيلم بحبه يعني مشجعات ولا انا بفهم ولا برد

هاد طبعا غير انه غلباوي وما برد وبده يربيني مو اربي ولسانه الطويل انه ما بسب بس بحكي كلام بصدمني في ماشالله عليه

هداك اولا اما تانيا

الحمام بالرغم من انه فتح كتيييييييييييييير الا انه مو راضي ينضف اول شي كان رافض يروح الحمام وحكيت ماشي بعدين رضي بس ما بفهم انه انا بدي اروح الحمام اعدت معه اسبوع وانا كل يوم اشلحه البامبرز وكله على حاله الله يكرمكم انه على تيابه

هادي عقدتي وكمان اصلا ما بعرف انه بعملها اضحكوا ازا بدكم بس والله لما كنت ادخله على الحمام “الله يكرمكم” انضل ربع ساعه او نص ساعه بالاخر يسالني ازا خلص او لا ويطلب اني اغسله ويئوم عن التوليت