عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بنات انا بسبب شغل زوجي وتنقلنا الكثير
يعني كل 6 شهوور بمنطقة
وصعبة روحتنا وجيتنا يعني دائما نكوون بالبيت ومافية تعارف كثير مع ناس
بس اذا رجعنا للديرة الي ساكنين فيها اهلنا نجلس بالكثير شهر بالسنة
عند الاهل
عيالي تعلموا على الادب مايضربوون احد واذا شافو طفل صغير يدلعوة ويلعبون معه
واذا شافو كبير يكونون قمة في الاحترام معه
بدات المشكلة لما صار عمر ابني 5 سنوات الكبير
ولما نرووح للديرة العيال يبدوون يضربوونه بس لاني اكون دائما بجنبة ادافع عنه احطة بجني
احاول اقولة الي يضربك اضربة يقول لا ياماما حرام اضربة
يمكن يصير صاحبي ويلعب معي
بس الاولاد ولاحياة لمن تنادي يتسلطون علية مجرد مايقووم من عندي يبدوون يضربون فية
اكلمهم مايسمعون الكلام
اروح لامهاتهم اتكلم بكل لباقة اتكلمي على ابنك خلية يخف عن ابني مايصلح الضرب وين عايشين احنا
ترد بكل برود الام هذولا اطفال لاتصغري عقلك
يكبر وينسى الضرب الي اكلة
المهم الحين دخل المدرسة
كرة المدرسة وطاري المدرسة بعد ماكان مشتاق للمدرسة
كل يوم يجي مضرووب من اصحابة
سواء بالفصل او بالفسحة او بالباص
وصار اصلا ماياكل بالفسحة ويعطي فسحتة العيال مادري هو يعطيهم او هم ياخذوها
المهم اليووم تقطع قلبي وهو يتكلم ويقول
ماما فية اثنين اولاد اكبر مني ب3 ابتدائي
قالوا عني اني بطريق
رديت عليهم وقلت انتم بطاريق
جوا يبون يضربوني
وانا خفت حيل وجاء واحد صديقهم قال لا تضربوة شوفوا شكلة حرام عليكم
والله اني قعدت ابكي ماادري وش اسووي
ابني شخصيتة حلوة ولبق بالكلام ومؤدب وجريئ اخاف كله هذا يرووح بسبب خوفة من الاولاد
وكثر الضغط علية والضرب من الاخرين
صار يخاف من اي شئ
مادري وش اسووي ادخلة نادي كارتية عشان يدافع عن نفسة
ابوة يقوول خلية ينضرب عشان يتعلم صار لة شهرين ينضرب والى الان ماتعلم
ويقول ابوة استحاله ادخلة نادي كارتية هو صغير عمرة 6 سنوات و3 شهوور
وكمان ابوة مو مستعد يرافقة للنادي ابد يقول ارتباط
عطوني حل تكفوون
انا بلد لوحدي اهلي واهل زوجي بديرة ثانية
تكفوون ابي حل
