عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته ..
احب واحد عن طريق النت وانا لما مشيت بهالطريق عارفه ان ماراح تكون ثقه حبيته وعشت هم حبه وتأنيب الضمير كل ماشفت اهلي اكره نفسي والمشكله اني مفكره بالنهاايه والتعب اللي بيجيني بس استمريت هو ماهو سعودي ومافي أمل حاولت ابعد عجزت انا عارفه بيكون فيه شك قريت قصص كثير بمثل هالعلاقات بس يقول انا واثق دايم امس صدمني يقول ادري انك عرفتي قبلي وماحد متحملك غيري وانا ورب البيت ماعرفت غيره احد ماقدرت هو اكلمه واخذ واعطي معه بالجوال عجزت وآخر شي يقول عرفتي غيري انا صدق اعترفت قبل احبه اني احب مثلي مثل اي بنت تحب بدون ماتدري وش يكن لها الثاني يعني حب بزارين بس حب و ماعمري تجرأت ولاشي مراهقه ومبزره حب بيني وبين نفسي مثل حب المراهقات حب برئ ، بعدها حبيته هو كلمته هو وما عمري وثقت باحد ولا حتى بنات اني اضيفهم عندي ولا اتواصل مع احد غريب ماتوقعت بعد سنه ونص يقولي كذا ..
قريب مسافر هو وكل يوم كلامه سم واتحمل لان يبيني ابعد لاني تعلقت فيه بس والله اني احبه بس بعد كلمته احس اني انتهيت هو اقرب الناس لي ..
تعبت ابي احد يسمعني ابي صديقه قريبه وماعندي احد صح عندي صديقات بس مستحيل اتكلم بكل شي لشخص يعرفني ويعرف كل شي عني مايقصرون كل وحده تشبهني بشي بس شي بنفسي ماحب قربي لاحد ما احب اندم اني قلت لاحد شي ماحب اموت وسري عند احد وااحتمال يقوله لناس تعرفني ، حالتي الصحيه تدهورت وحاله امي تزيدني هم ابتلشت فيني تسالني يوجعك شي توجسين شي اصرت علي ورحت مستشفى بريحها قال سوء تغديه وصار يهاوشني مهمله وبنيتك ضعيفه وأشياء ثانيه عاديه وزاد الامر وصرت يغمي وادوخ خلاص احس ماعاد فيني حياة ..
ابي شي يلذذ الحياة بعيني فيه ميه الف حاجه كرهتني فيها والحين ظروف البيت صعبه قوه وزادتني تعب قلت بحاول ادخل حلقه تحفيظ كل شي ميت فيني لا برودكاست ولا مقطع ديني يصحوني ودي استمر واحفظ قران وانساه وابر باهلي واعيش طبيعي قلت لامي بدخل حلقه ورفضت ماتبينا انا وخواتي نحضر زواجات ولا حلقات ولامحاضرات ماتبينا نحتك باحد خوالي وعمي فقط وصديقاتي ، حاولت اتمرد ع كلامها بس ماقدرت وعدت صديقتي احضر زواج اخوها وماوافقت وقلت بروح وآخر شي ترضى إذا جيت بس ماقدرت اروح وهي زعلانه ومو راضيه ..
شرايكم ادخل الحلقه لو ماوافقت أمي هي مو فاهمتني ولا راح تفهمني كل شي عندها لاا ، صح صعب علي اجي من الدوام واروح علطول ماراح اتحمل تعب بسسس بجاهد نفسي ابي اموت وانااا مرتاحه ..
إذا ماوافقت امي فكرت اتزوج على اي احد يجي لو شايب لو متزوج اي شي ابي انسى بسسس ماودي اظلم احد وخايفه مدري شلون بتزوج واناا لي علاقه قبل احس بينكشف امري ولا ابي اتزوج بس ابي انسى ابي اعيش حياتي ابي اعيش مع أهلي ماودي افارقهم شوروا علي ..
انتقاد ونصايح اقري بالببيت ومو لازم حلقه ومدري وش ماينفع معي ابي قلبي يصحى ابي اكون نفس ما ابي اخاف اسوي شي اندم عليه ماتصدقون اني احاول انتحر بطريقه غبيه لما بطني يوجعني اكل حبوبي اللي من شهور اهملتها واكل كم حبه وانا بنيتي ابيها تضرني صرت مثل المجنونه عشان كذا ابي اصصحى ابي انساه ..
لو ماعندكم حلول يكفي راحه اني فضفضت بشي ما اقدر اقوله لاحد ، دعواتكم ..
