عالم البنات النسائي كل ما يخص المرأة العربية من ازياء وجمال والحياة الزوجية والمطبخ
ارجوكم ساعدونى يافراشات مش عارفه ايش اسوي؟؟؟
اليكم الموضوع :_
عندى صديقه من دوله عربيه وطيوبه وبنت حلال اسميها (س)المشكله ليس فيهل المشكله في زوجها اللى قاعد يخونها وهى ماتدرى (يـــــــــــــاغافلين لكم الله) طبعا بتسالونى كيف عرفت ومع من يخونها
عرفت عن طريق الصدفه كنت ماسكه جوال وحده من صديقاتنا (ف)وابحث عن المسجات (وطبعا كنت مستاذنه من صاحبه الجوال) لقيت مسجات روعه حب وغرام وكلام وشعر ماانتبهت حق الرقم بس لاانه كان رقم مميز كنت اتذكره بعض الشيء وبعد يومين سبحان الله لقيت رقم الجوال على تلفونى فشكيت المهم رديت لقيت على الخط صديقتى الاولى تقول لى انه جوالها انقطع وحبت تكلمنى ظرورى وهذا هو جوال زوجه وبعد ماسكرت الخط قعدت افكر المهم مانسيت الموضوع كنت ابي اتاكد من انه الرقم اللى في جوال الصديقه (ف)هو نفس الرقم اللى حق زوج صديقتى (س)رحت بيت الصديقه الخاينه وكررت نفس الحركه اخذت الجوال وقلت لها ابي اللعب في اللعاب (ادرى انها كذبه )ورحت على المسجات ولقيت الرقم هو نفسه بالظبط وفي المسجات الوارده لقيت مسج من زوجها يقول فيه (لا تخافين انا قلت حق الخدامه اذا علمت بسفرها تطمنى ….حبيبك أحمد) تخيلوا صدمتى وبسرعه رحت الرسائل المرسله والله كنت ارتجف من الخوف خفت انها تجى وتشوفنى لقيت رساله منها كاتبه فيها (انا مستعده ابيع الدنيا واشتريك يا حمودى ) تخيلوا موقفى وانا اقراءء الرساله والبنت داخله على تحط كوب الشاى احتقرتها انها تخون صديقتنا مع زوجها والله مااعرف ايش اسوى وطبعا هى ماحست انه انا عرفت اللى بينهم كانت تظن انى اللعب بالالعاب اللى في الموبيل قعدت عندها دقايق ورجعت البيت وانا من يومها في حيره مو عارفه شاسوي ومسكينه صديقتى (س)تشكى لى تقول لى انه تحس انه زوجها متغير وانا اقول في قلبي انا اعرف ايش اللى مغيره ارجوكم عطونى حل ايش اسوي ولا اخليها على الله ولا اقول لها انه زوجك يخونك المشكله اخاف لو اقول لها عن المسجات تدور في تلفون زوجها وماتلقاهم وبكذا راح تحسبنى اكذب عليها او ابي اطيح بينها وبين صديقتنا الثالثه ؟؟؟ ايش اسوي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
