عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله
اخواتي بدخل بالموضوع سيدا
القصة ومافيها اني طالبة ادرس في تخصص دقيق (ماشاء الله تبارك الله ) بنيت عليه امالي
وكان هو الخيار البديل لشي اخر لا يقل اهميه
لكني ضحيت فيه
واخترت الدراسة
يعني خسرت الشي الاخر ومابقى لي الا الدراسة
(بس عشان اوضح لكم عظم الامر )
المهم .. مطلوب مني الان بعد ماضحيت بكل شي عشان هالدراسة
مطلوب اني انجح وانتظم واخذ معدل عشان اقدر اتوظف واعرف ابني حياتي والملم مشاكلي الي صارت وعشان املى عين الي حولي لايتكلمون علي
الى هنا كل شي اوك ـــــــــــــــــ>>
الحاصل انو
بعد دخولي لهالتخصص تفتحت العيون علي بقوة
وصار الكل يسال ويستفسر . من اقارب واصدقاء وخلافة ؟كيف ؟ وشلون ؟
وانا طبعا ردود جاهزة وبالتفاصيل لو تبغوون يعني بربارة درجة اولى وماعرف اخبي واقول سويت وصلحت ودرست واخذت وو..و…. وحتى بدون مايسالون اتكلم
مشى الموضوع وبدت الدراسة ؟ وش الي صار
1_ لقيت اني مو مرتاحة وضايقة مرة وحماسي كله قل
في المحاضرات كلامي يفشل ومداخلاتي ركيكة وغبية. وخجولة
علما باني مثقفة واقراء كثير وماكنت كذا زمان بالعكس كنت اتناقش مع دكتوراتي وكثير منهم يقولون غريبة انتي بهالسن وعندك هالثقافة واسلوبك بالحوار كذا( بس للامانة هذا الشي لاحظتة حتى برى الجامعة يعني بحياتي العامة )
ــــــــــــــ>> قلت لنفسي يمكن خجل يمكن عشان اجواء جديدة ويمكن عشان مشاكلي بالبيت
2- لا حضت على نفسي النوم الكثير توصل الى يوم كامل يعني انام اصحى اليوم الي بعدو
ـــــــــــ>> قمت قلت لنفسي يمكن يابنت ارهاق ويمكن تغير جو و…و..و..
نجي للشي الثالث
3_نفسيتي زفت . ابكي بدون سبب يعني اصحى من الصبح واحس فيني الصيحة واقعد اصيح بدون سبب صياح شيديد اعوذ بالله مرررررررررة
صحيح اني عندي مشاكل بالبيت .. مو مشاكل الا بلاوي . لكن عادي متعودة .. وسبب البكاء غالبا مو بعد موقف او مشكلة يمكن اهوجس ويمكن كذا بس تجيني الصيحة فجاة وانا قاعدة …
ــــــــــــ>> قمت صرفتها برضو وقلت لنفسي يابنت يمكن تراكمات للمشاكل
4- وقت المذاكرة اكرة وقت عندي . احاول اصرف نفسي عنها باي طريقة . واذا ذاكرت اعوذ بالله اقعد ع الصفحة خمس ساعات . استيعابي بطىء وبين سطر وسطر سرحانات
الى هنا وكل شي عادي وممكن اتقبلة
نجي للمشكلة الاعظم والي ممكن تطلعني من دراستي وهي
ايام الامتحانات
ادرس واذاكر بالايااااااام
واذا جاء وقت الامتحان وبحل الاسئلة ما القى ولا شيييييييييي
وربي احاول استرجع المعلومات مختفيييييييييييية
ولا كاني قاريتها مع اني مذاكرتها وحافظتها وعايدتها مليوووووووون مرة
لدرجة وانا اذاكر اقول بنفسي هذا بيجي خل اعيد مذاكرته واعيدة واحفظة
يجي وقت الامتحان وفعلا يجي هالسؤال وربي ما اتذكرة
علما باني زمان كنت وربي اذاكر اي كلام مذاكرة خرابيط ومع كذا تثبت المعلومات بسرعة واذا جاء الامتحان جاوبت وجبت اعلى الدرجات ماشاء الله
يابنات هالشي ازمني نفسيا لابعد حد
قلت ثقتي بنفسي وبديت احس اني غبية
قلت دافعيتي للمذاكرة
والاهم خايفة افشل وتروح دراستي ع الفاضي
المشكلة ان مجموعتي جدا شاطرين واختفيت بينهم
ابي حل .. تعبت .. ضاق صدر .. وين المشكلة ابفهم ؟؟ امي تقول يمكن عين خصوصا انو في تعطيل لامور ثانية بحياتي ويقولون امشي الشيخ نقراء عليك
بس انا رافضة ..اخاف ادخل بمتاهات وافتح على نفسي ابواب واخش بالوسواس ويسوس فيني الشيخ.اخاف من اهلي ونظرتهم بيقولون راحت شيخ ومعقدة ومعرف ايش
علما باني للاسف ما اقراء الاذكار حاولت اعود نفسي عليها وعجزت
هاليومين يقالي بادية اذا سولفت مع احد عني اذكر الله عشان يذكر الله معي .وكثير من الي حولي ماعندهم الي عندي ولله الحمد
وش اسوي ؟؟ تتوقعون عين ؟ كيف اعرف طيب؟
من مرت بحالتي ؟
كيف حليتي الموضوع؟ وش الحل تكفوووووووووووووووووووون ؟
