عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بصراحه الموضوع صار فوق طاقتي تعبت وابي حل مع ذا الولد
عمره 13 سنه في صف اول متوسط
بصراحه عنيد ومطنش من المذاكره ومومهتم
على الرغم عمري ماقصرت معه في شي اهو بكري وانا معه زي الأخت مع اخوها نسولف مع بعض ونتكلم عن اسرارنا ومشاريعنا بس نتطرق لموضوع الدراسه لف وجها وقام عني اول مايجي من المدرسه نوم الى بعد صلاة العشا وياخذها سهره على قناة فنون الى نص الليل وكل ماقلت له قوم ذاكر قال المدرس غايب
المدرس حظر بس ماعطانا درس جديد المدرس مايطالبنا بحل الأسئله المدرس يقول لا تحفظ التعاريف طلبت من ابوه يروح المدرسه ويكون متواصل مع المدرسين عن طريق الجوال بس المدرسين رافيضن يعطون جوالاتهم احد
مايبون ازعاج من اولاياء الأمور
حاولت ارغبه في الدراسه سجلته في منتديات التعليميه حق مرحله متوسطه وقلت له اي شي يصعب عليك تعال معي ونتناقش في حل الواجب دخلته شبكة الرياضيات وجلست اشرح له وديته عند مدرسه خاصه تراجع له ليله الأختبار قلت يمكن مل من طريقتي في الشرح وربي ماظل شي في بالي الا وسويته له لبسه من افخم المحلات واللعابه من احسن اللعاب واي شي اقدر عليه اسويه واذا ماقدرت عليه اصارحه واقوله مااقدر لانى السبب كذه وكذه
في النهاية جاب لي النتيجه نجاح بس على الحفه
قلت له يولدي انت مو وجه دراسه خلي الدراسه للي ينامون بدري ويذاكرون اول بأول
تخيلو ولله العظيم بليل اشيل التوصيله مشان مايشغل تلفزيون يقوم يمصع اي توصيله يشوفها ويرجع يشبها في التلفزيون مره شلت الرسيفر بعمره جلس معند لا رجع ينام ولا مسكت كتاب
اليوم قلت له بعد النتيجه الزفت اللي جبتها في الفصل الأول خلاص مدرسه مافي روحه وغيبته من المدرسه من باب تخويف وقلت له انت مكانك هنا وماتطلع شفته تأثر شوي وترجاني اخليه يروح المدرسه ورفضت فكرت بكرا اعمل فيه مقلب دقيت على ابوه في العمل وقلت له بكرا اول ماتطلع من دوامك تمر الورشه حقتك وتتفق مع العامل ان الولد بيجي وعلمه الشغل وقلت حق ابوه ابيك تراقبه في الورشه لا تطلع ماابي ولدي يكون لحاله مع العمال بس هدفي اعطيه قرصت اذن انك اذا ماهتميت في دراستك مكانك مع العمال
هل تئيدوني اولا في هذه الحل ؟؟
