ابي نصيحة حكيمات (معاناتي مع زوجي)

محتاجة لدعواااات صادقة ونصايح حكيمات …

ادخلكم في الموضوع …

انا نفسيتي تعبانة مرررة ومتأزمة …
بقولكم بصراااحة انا خايفة على نفسي …
زوجي الله يسامحه مهملني لابعد دررجة مايجلس في البيت الا نايم او ياكل او يتفرج
على التلفزيون او جالس على النت ..
حاكيته وترجيته قلت له احتاج حب وحنان احتاج انسان يكلمني يجلس معي
يحسسني باهميتي وانوثتي ..
بس مافي فايدة ابد مهما تطاقينا تناقشنا مافي فايدة
ترجع حليمة لعادتها القديمة ..
خصوصا اني انسااانة عاطفية جدااااا والله غصب عني حاولت اقسم لكم بالله
اتجاهل العواطف والاحاسيس بس ماقدرت..
مدري احيانا اقول انا معي حق انا انثى وهذي طبيعتي وهذا المفروض
يكون في كل بيت..مدري .. مدري
احسه يهتم بااخوانه وعيال عمه اكثر مني انا ماعندي مشكلة يجتمع معهم
بس انا ادرس وهو موضف يعني مانفضى يوم كامل مع بعض
وفأيام الاجازة الاسبوعية كلها لهم ماااااالي شي ابد
حتى خذ اجازة شهر وكل يوم معهم مااستفدت شي
والا يام العادية اليومية يطلع من المغرب او العشى يرجع منهم ينوم,. قولوا لي يحق
لي انقهر او لا …
واذا ترجيته نطلع يايطلع من غير نفس ومايتكلم ولا يرفض وفي نفس الوقت هو اللي
يقترح الطلعات مع اخوانه وعيال عمه وينظمها ويتحمممممس لها…
تبون الصراحة انا حاولت اسافر عنه لعله يتغير ازعل منه كم يوم اترجاه
ولا يتغير ..
يعني خلااااااااااص مافي فايدة
لايحب الجلسة معي ولا السوالف ولا الطلعات ولاااااشي
كني تمثاال لااكثر ولااقل في البيت لادم ولا احساس
وثقتي فيه معدووومة لمواقف سابقة..
وان قال انه بطل مااقدر اصدقه لانه احيانا يثير شكي ..
فراشااااااااااات انا تزوجت ابي احمي نفسي من الشر الخارجي
بس لقيت نفسي في مكان اشد فتنة..
تلفزيوون فيه بلاااااوي الدنيا وماخاف علي من اللي اشوفه ونت وزوج بارد العواطف والاحساس
انا اخاااف الله وماسكه نفسي بس احيانا اشك فيه فاتهور كيد له ورد فعل واكاد اغلط …

معد ادري احبه او لا من كثر ماهو مهملني وشايفني تعبانة ولكنه يشوف
وعارف وش احتاااج ولا عطاني..

اللي يزيدني لين شفت الناس اللي حولي غير ومرره امه قالت سالفة عن وحدة
انها غلطانة ماتجلس في البيت فماتعطي زوجها حقه ولاتجلس معه.في نفسي قلت مثل ولدك

يعني الكل يشوف هالوضع غلط …

افكر اروح لاهلي وفي نفس الوقت مترددة اخاف تكبر واندم
ولا اهلي يتضايقون خصوصا اختي توها متطلقة ..

انصحوني والله اكتب وانا ابكي من القهر وغالبا مايمر يوم
الا يبكيني وها الوضع معد اقدر اتحمله اكثر 3 سنين وانا على
هالحال احس خلاص لازم موقف نهائي…

انا ما اذمه كليا هوحبوب ولا يحب المشاكل بس يبيني ارضى اول ما
يبتسم لي….احسن من غيره على الاقل

بس مشكلته الاهمال وبروود الاحساس والغيرة