اتمنى أسمع من أمي دعوة !! أحبك ياأمي رغم كل الجراح

يابنات مشكلتي مع أمي (سببت لي هموم كثيرة بحياتي مايعلم فيها إلا الله)
أمي أصيبت بعين قوية بسببي (تدرون كيف) ….لما كنت أدرس بأول متوسط (كان في حفل أمهات وبيومها كرمت بجائزتين (الجائزة الأولى هي حصولي على المركز الأول على مستوى أوائل …وجائزة الطالبة المثالية على مستوى المرحلة المتوسطة) ويعلم الله إني كرهت الجوائز من بعدها
لأن أمي لما نادوها عشان يكرموها من أجلي ماشافت خير من بعدها
اليوم الثاني على طول جالتها حالة جدآ غريبة محزنة ومرضت و24 ساعة تبكي وكرهتني وجاها ضيق تنفس كل المستشفيات عجزو يفسرو حالتها لحد (ماربي هدى الوالد يروح لشيخ كآخر حل وفعلآ كانت الوالدة معيونة وعين قوية) المشكلة أن هالعين ماتروح إلا بأثر صاحبها وأحنا ماندري مين إلي تسبب لها بهالشي
وطيلة 12 سنة (عمري الآن 24 سنة) وهالموضوع قالب حياتي سواد لأن الوالدة صحيح تحسنت لكن علي أنا لازالت الحالة مستمرة
بسبب هالشي تعرضت لأهانات كثير من أمي أمام أهلي وأمام الناس وكلام جارح وأفترائات علي عند الوالد وللأسف أن الوالد ماكان يلتمس لي العذر بسبب حالتها القديمة (إلي مصر أنها مو مبرر لتصرفاتها معي) فكان يغضب علي ويسبني لأنه أمي تقوله كلام مو صحيح (مثل هي تتطاول علي …ماتساعدني بالشغل .. ..ووووووو) وأقسم بالله العلي العظيم أني مابالغت بكلمة وحدة صرت أنطوائية عن الناس لأني أخاف أخرج تجرحني الوالدة عند الناس حتى في بيت أهلي انطويت
كانت دايم تنقص بقيمتي عند الناس وترفع من شأن أخواني مع إني الوحيدة إلي كنت متفوقة دراسيآ بالبيت
والشهادة لله أخواني حاولو كثييييييييير مع الوالد والوالدة عشاني بس مافي نتيجة أستمرت المعاملة مثل ماهي (وأنا ملتمسة لأمي العذر وأدري أنها مريضة وماتتحكم بتصرفاتها) بس الناس إيش عرفها
وصلت الأهانات لي حتى أمام زوجي ..؟؟ بس الحمدلله زوجي فاهم كل شي صار والمحرج بالموضوع هو التجريحات الغير مباشرة إلي يسمعوها زوجي كل مازرناهم (طيب إذا شايفينه مش كفأ ليش وافقتم عليه ) الحالة جدآ غريبة معي فقط ومع أي شخص أحبه ويهتم فيني يصيبني خوف لما أجلس مع أهلي وعندنا ناس أخاف ترمي علي كلمة تجرحني وتحرجني

دايم تدعي لأخواني بالخير وأمامي بالتوفيق والرزق وبحياتها مارفعت يدها أمامي ودعت لي …حتى لما جيت أتكلم لها تدعيلي عشان تأخر حملي تدرون أيش قالت (قالت وليش مستعجلة …. أحسن أصلآ أنتم ماعندكم المادة عشان تتمني يجيكم طفل ) وماراعت أبدآ رغبتي الداخلية ونست كيف كانت تدعي لأختي الكبيرة وكيف فرحت بولدها لدرجة ماعندهم سيرة بالبيت إلا هو
وأخوي الكبير تزوج بعدي وهي من يوم تزوج وهي تطلب وتتمنى تشوف عياله
الله يرزق أخواني والله ماأتمنى لهم إلا كل خير
ماأنسى موقف أختي الصغيرة لما كنا بيوم مطر وهي سمعتني أقول الدعاء بوقت المطر مستجاب تصدقون رفعت يدها (وقالت يارب أختي (إلأي هو أنا) تجيب نونو) أمي على طول ناظرت بأختي وماتكلمت ولاعلقت يابنات والله تعبت من الحالة إلي بالوالدة

أدري يابنات يمكن تقولو أنها معذورة (وأنا عاذرتها ومسامحتها) وربي دايم أدعي لها بالشفاء وطولة العمر وأدري بتقولو يمكن هي تدعيلك بس بالسر
بس والله شي يحز بالخاطر لما تحسي أنك بين أهلك عايشة لوحدك أو تحسي نظرات الشفقة بعيون أخوانك عليك (ماأقدر أكون طبيعيةمعهم )

نفسي أسمعها تقول نفسي أشوف عيالك ومن هالكلام أو تحسسني بأهميتي عندها أو على الأقل لاتقول على لساني كلام ماقلته لأن هالموضوع متعبني مع الوالد وعلى الأقل تبطل تجريح بزوجي واهانته وتقليل شأنه (أقسم بالله عاذرتها وأقسم بالله أحبها ) بس ماقدرت أطنش الموضوع وهو يخص أهلي الجروح كلها جت من أقرب الناس تراكمت بقلبي لأنها كسرتني من يوم أنا طفلة

وبعد هذا كله عرفتو ليش أنا متشوقة لضمـــــــــــــــة طفل …….زوجي يقول إذا جاك طفل صدقيني بيغير أهلك تمامآ وراح تتغير المعاملة ويمكن يكون سبب شفاء لأمك لي سنة و6 شهور متزوجة والتأخير ماله سبب واضح
آسفة على الأطالة ………هذي أول مرة أتكلم بصراحة لأحد غير زوجي…. ويعلم الله إني اختصرت فصول كثيرة بالقصة ماأبغى أتذكرها لألمها ………….
أكرر اعتذاري على الأطالة بس تكفوووووووووووون إلي تتذكر قصتي وتقرئها حتى لو ماردت تدعيلي وتخلي أمها تدعيلي أنا طامعة بدعوة من أم بس الوالدة ماريحت قلبي من هالناحية فلا تبخلو علي بدعوة أم كبيرة