عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته…
كيفكم يالغاليات ان شاء الله بأحسن حال يارب….
بصراحه أنا من فتره والفكره هذي تدور في بالي….طبعا كلامي موجه للمطلقات ممكن تشمل الارامل والمعلقات ولكن حددت المطلقات لمايعانوه من قهر كبير من المجتمع الاهل الزوج العادات التقاليد….لاوظايف تخليها تعتمد ع نفسها وتشيل اولادها…ولا اهل ممكن يمدولها يد الهون طبعا انا مااعمم في اهالي شايلين بناتهم ع اكف الراحه ولكن زي ماقلت كلامي عام هنا….ولاتعويض من الجهات المختصه تكفيها حاجة السؤال….وفوق هدا شايله اولادها وخايفه ع مستقبلهم وتفرط بحياتها ومتعتها عشانهم وتحرف باعصابها وتدمر نفسيتها كله عشان تحس انها طلعة بشي يستاهل هالعناء…
بنات انا فكرت نعمل قروب خاص للمطالبه بحقوق المطلقات ونعممها ع الفيس بوك وبالمنتديات لازم صوتنا يوصل لازم يكون هناك توفير لاحتياجاتها واطفالها لاقضاء ينصفها ولامجتمع ولاعادت الرجل يتزوج ويعذب ويخلف وبعدها يرميها بهمها واولادها ويعيش حياته من جديد …لاهدا من ديننا ولامن اخلاق العرب….وهالحمله نبيها بجد توصل للمسئول الي يخاف ربه وبيتغهم هالوضع….لاتقولولي لهاحقوق ولها مدري ايش اذاع الضمان مبلغ850 يكفي ايش ولاايش ولاتقولولي انو مكتوبلها بيت شرعي والله ماشفت وحده تحقق لها هالشي واذا في قولولي
فأنا بانتظاركم وانتظار تشجيعكم ومساندتكم عشان نطالب بحقوقنا…وظايف مبالغ تصرف للاعانة في حال الطلاق ومعاك اولاد مسكن معدل للي ماعندها والي ظروفها ماتسمحلها…ترى موناقصنا شي ولااحناافقر من غيرنااحنا اغنى بلد …الكويت تكلف الطليق باستئجار منزل لطليقته وابنائه ويصرف عليها لين تتزوج تخييييييييييلوا….مو يرميها باولاده وماعاد يسال عنها وكانهم اولادها لحالها….
بنات لازم نحط ايدنا بيد بعض ونحاول موخسرانين شي….
وان شاء الله الله بيسرلنا الي فيه الخير…مومعقوله نجلس حاطين ايدينا نستنى رجل اخر ينفذنا ….مو كل شي بالدنياالزواج صح مهم بس نحتاج نكتفي ذاتيا….
من هنا ومن هالموضوع انادي جميع المطلقات يحطوا ايديهم بايديا نحتاج لكل العقول المثقفه واتلمبدعه والنيره والبسيطه….تعالوا نسويلنا موقع ع الفيس بوك ونحاول نوصل فكرتنا نرسل ايميلات نكتب خطابات نحااااااااااااول ومافي حق يضيع وراه مطالب الدنيا بتقسى زيادة….وكمان ممكن نحاول نكون لبعض مجالات عمل ممكن نساعد بعض ممكن كل مجموعة بمنطقة تحاول تعملها بيزنس خاص المهم نحاااااااااااااااااااول مونجلس نشكي ونولول …..
يمكن حاولت اوصل بعض من الي ابيه والباقي عليكم….
