احترت وين أحط الموضوع( السلايف)

كيفكم ياأحلى فراشات……..
عندي موضوع مهم واحترت وين أحطه , بس قررت أحطه هنا لأنه جزء غير مباشر للحياةالزوجية . كثير من المشاكل تحصل بين الزوجين بسبب أهل الزوج أو أهل الزوجة , والرجل و المرأة راح يستحملون اذا أرادو أن تستمر الحياة , فالزوج يستحمل من يتسبب له بالمشاكل من أهل زوجته و الزوجة راح تستحمل أمه , أخته , عمته………. أو أي شخص عشان ماتهدم بيتها , ولكن هل تري أنك مضطرة انك تستحملي سلفتك (زوجة أخ زوجك )؟؟؟؟؟؟؟؟؟ أنا أعرف كثير من الزوجات انهدمت حياتهم بسبب هذا الموضوع.
احنا عندنا مثل يقول : مركب الطباين سار ومركب السلايف غار .
الطباين هم الزوجات لرجل واحد , و السلايف هم زوجات الأخوان
و بصراحة أنا أختي راح تنتهي حياتها الزوجية بسبب زوجة أخ زوجها ( تغار منها وأغلب الوقت متكبرة عليها وماتكلمها واذا كلمتها تسألها أسئلة خاصة مثل ايش نوع مانع الحمل اللي تستخدميه و كم وزنك و تسوين رياضة ولا لأ و ايش تاكلين لأنك مرة نحيفة) و دايم تعاملها بطريقة التعليم و النصايح و الأوامر و تقولها ليش ماتلبسين هذا وليش ماتسوين لزوجك هذا وليش ماتعطين بنتك ذا كأن أختي ماتعرف شي في الحياة في البداية كهنت أختي تتقبل بس لما صار الأخوا ن الأزواج يدخلون في الموضوع ما استحملت المسكينة, و زاد من الطين بلة انه حنا من الشرقية عايشين في جدة و سلفة اختي من مدينة ثانية يعني في اختلاف في العادات و التقاليد. ودايم اذا شافت عند أختي شي حلو أو غريب تقول حنا عندنا أحسن .
ياريت كل وحدة فيكم تعطينا ايش الحل من وجهة نظرها و تجربتها الخاصة خصوصا اذا كنت انت وزوجة أخ زوجك من مكانين مختلفين و كيف تتأقلمون مع بعض وايش هي الصعوبات اللي ممكن تواجهني لأني ببشركم اني جايني عريس ممتااااز بس يمكن أرفضه عشان زوجة أخوه مو من نفس مدينتي و ماأبي اللي صاير لأختي يتكرر معاي.
وشكرا