احس اني مخنوقه

قبل كل شي احب اقول يـــــــــــارب تـفـهموني وما تقسوون علي . . .

اولا انا اكبر حفيده من بيت جدتي . . . وجدتي ماعندها صبر متى تفرح فيني بس الله عوضها او بعوضها

بحفيدتها اللي اصغر مني اللي هي بنت خالتي اصغر مني ب 6 سنوات يعني انا عمري 25 وهي 19

طبعا انا ما اغير منها والله اني احب بنت خالتي وهي الاجرب لي .. بس سبحان الله من سمعت

انها بتنخطب انصدمت وانصعقت يا خواتي . . يتني غصه ماعرف ليش؟ وخالاتي وجدتي يباركون لها

ونا كنت زعلانه على حظي الحمدلله على كل حال ..بس ما بينت هالشي بالعكس فرحت لها

وبعدها دخلت داخل وقعدت اصييييييح ما اتحملت الموقف ما اتخيلت ان هي قبلي تتزوج اعرف ان نصيب

ومب انا اول وحده يصير فيها هالشي …بس والله ما اتحملت الموقف وفجأه هي دخلت علي قالت لي

شو فيج تصيحين…قلت لها اصيح على فراقج هو فعلا بفتقدها ..

والحين مب قادره اتقبل الوضع بس احاول انسى او اطنش لان الموضوع يصيحني على طول ..وعلى فكره

من يومين رحت معاها السوق عشان تختار الفستان واحاول امسك نفسي واقول الله يصبرني

المهم يوم الخميس هذا عقد قرانها وطبعا جدتي وخالاتي وامي بروحون بيتهم …ماعرف شو اسوي

وكيف امسك نفسي احس خالاتي يشوفوني بنظرة شفقه لانها انخطبت قبلي…علما ان ايوني خطاب اكثر

منها بس سبحان ماصار لي نصيب مع ولا شخص,,,عطوني حل او ادعية تخفف من حالتي والله احس

دخلت في اكتئاب وماانام الليل من الصياح مع ان افكر في بنات اخس عني خواتهم تزوجوا قبلهم بس

بعد مب قادره اقتنع ساعدوني تكفووووون