عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاته
خواتي اول مره اكتب موضووع اهني وانا انضميت لكم وانتقلت من قسم تاخر الحمل الي قسم الحمل والولادة وحاليا انا بالامومه والطفولة
اتمنى تفيدوني يا امهات بخبرتكم وادري انكم ما تقصرون ان شاء الله
بالنسبه لموضوعي انا مضايقه انا حاليا ولدي عمره تقريبا عشرين يوم وما ا رضعه من صدري وهالشي حيل مضايقني
يقولون الرضاعه الطبيعيه تخلي الطفل يكون هادئ الطبع وانا ولدي احس وايد نرفوز وكلا اقول يمكن لاني ما ارضعه طبيعي وانا بصراحه ما ا رضعه لانه اول ما ولدت قيصرية عمليتي وبطني كان عووود وما يابولي ولدي عشان ارضعه وقعدت 3 ايام بالمستشفى وبعدين رديت البيت هم ما كنت اقدر ارضعه والحين تعود على المميمه يالله الحمدالله
حاولت شكثر ارضعه يرضع مني شوي ويوخر وبعدين يقوم يصارخ
وهالشي يخليني احس بالذنب وايد اني مو قادره ارضعه
وشنو تنصحوني فيه ولدي صاير من يقعد يتعصر وايد ويصير ويهه احمر واضطر اشيله اخاف اتعود على الحضن
وطبعا المصاصه ياذيني على ما يمصها وكل شوي اتطيح ويرد يعصب ويصير ويهه احمر واي شكثر اتعب نفسيا
ولكم مني الف تحيه
