احكووولي….. شوو أعمل احكيلو ولا لأ؟؟

المهم أنا من يوميين رحت اطش عالجامعه مع صاحبااتي وأنا مروحه يا بناات كنت قربت حتى اركب التكسي , بس قبل لا أركب أجا شب بأتجااهي كان نزل من سياره ثانيه ,انا كنت حااسه هالسيياره لاحقتنا وفيها اكمن شب ومن نظراتهم تدل على انه في حدا بدو شي..
المهم نزل شب من السياره واتجه نحوي كان جااي اتجاهي لحتى يحكي معي .. اقترب مني انا وصاحبااتي

وقال: ممكن احكي .. انا سكتت ما حكيت شي .. بس هو كمل كلامه وحكاالي : في شب صاحبي حاابب يتعرف علكي بس بنية الخير بس لا تفهميني غلط رجاءا .. ضليت ساكته وما نطقت بكلمه ولا حتى تبسمت ولا حسستو بأي شي بالعكس كان وجهي عابس وتعابير وجهي تدل عالرفض بشكل محترم ولكن رفعت ايدي من جيبتي وارجيتو ياها يعين لحتى يشووف الدبله في ايدي

فهمتتو علي يعني يعرف اني متزوجه .. بس شااف الدبله بأيدي اتأسفلي وركض للسياره وضل رايح وقبل لا يروح حكالي انا اسف بتأسف ما بعرف انك خاطبه او متزوجه وصاار وجهو بالألواان وضحك ضحكه صفره ورااااح..
هادا كل شي صاااااااار انا ما فتحت تمي بكلمه وحده حتى ما سمع صوتي اني احكيلو انا متزوجه او شي فقط اكتفيت انو يشووف ايدي وانا لابسه الدبله وخلص

اها فراشاااتي الحلوين شو رأيكم باللي صااااااااار في دااعي اني احكي لزووجي شو صااار ولا لأ؟؟
بس انا خايفه يكون حدا شاافنا من صحااب زووجي ويروح يفهم غلط ويحكيلو بس انا ما اعتقد انه في حد شااف وما عملت شي غلط بالعكس يمكن لو وحده تاانيه بتااخد وبتعطي مع الشب وبعديين لحتى تفكر تحكي انها متزوجه او يمكن ما تفكر انها تحكي …