احنا 25 بنت محروميييييين من الزواج من 10 سنين راحت وأكثر !!


مرحباا يا فراشات

الصراحة انا اول مرة افتح هالموضوع عند أي أحد ، حتى عند اعز صديقاتي

لكن واخيرا لجأت لكم بعد الله ، لاني فعلا محتاجة اسمع رايكم و اللي عندها الحل

ما تبخل علي وتساعدني وعسى الله يفرجلها همومها انشالله .

الموضوع هو :

بنات في عايلتنا كلــها اللي مجموعهم تقريبا 25 بنت ماشالله ، تتراوح أعمارهم

مابين 20 و 30 ، كلهم الله يصلحهم شهادات و وظايف و حسب ونسب والحمدلله الحال زين

ومايعيبهم شي ، والله ما اخيرهم عليكم لكن هذا اللي انا اشوفه جدامي .

المشكلة اهيه ان كلنا ((((متوقف نصيبنا)))) ، و نفس الحالة الوحدة تصير لنا لما يتقدم لنا أحد ، اول شي ننخطب بالتلفون

وبعدها زيارة اولى و يتصلون فرحانين فينا وزيارة ثانية فرحانين فينا اكثر والولد يكون فرحان فينا و كلن

معجب بالثاني وبعدها زيارة الرجال للاتفاق على كل شي ،ولكن فجأة بعدها يختفون !!

لا اعتذار لا ألو لا كلام ولا حتى خبر منهم ، واللي تجرأنا و اتصلنا عليهم لنسألهم السبب يقولون

ماصار نصيب وبس !!

احنا الصراحة احترنا ، وصار الوضع يخوفنا خاصة ان في أكثر من مرة اكتشفنا سحر مدفون في بيتنا وأشياء

غريبة من قبل كم سنة حاولت تفرق بين أمي وأبوي كنا نكتشفها و نتخلص منها بدون لا احد يعرف

لان نوعنا نستحي نتكلم ، لاننا نلقى أشياء غريبة من بعد عزيمة في بيتنا واذا تكلمنا راح تكون هالأشياء من

أحد من الأهل لأن هم الوحيدين اللي كانوا موجودين وماكو غريب

فكان أمي وابوي ما يتكلمون بس انهم قطعوا العزايم علشان نتجنب هالأشياء

، الوضع هذا بدا صارله تقريبا 10 سنين من يوم البنات اللي الحين

عمرهم 30 كانوا بالـ19 أو بالـ18 .

للعلم : رقينا أنفسنا بآيات ورحنا لمشايخ يقرون علينا ولا أكو فايدة الصراحة

في مشايخ قالوا لنا اقروا سورة البقرة يوميا ، وكنا نقراها والحمدلله احنا اصلا ملتزمات وما نخلي القرآن

و فيه ادعية عطونا علشان نقولها واحنا مستمرين من سنين نقولها ولا في فايدة .

جزاكم الله خير ، ياليت اسمع راي كل الفراشات لأن بالفعل تعبنا من وضعنا خاصة اللي اكبر منا

صاروا يشوفون صديقاتهم متزوجات و ياييبين عيال .

وهذا شي ما يستحى منا ، كل بنت تتمنى تتزوج وتييب عيال وهذي سنة الحياة

أسفة على الأطالة

وياليت كل الفراشات يشاركون برايهم لأني فعلا محتاجتله

وجزاكم الله خير

عن zeyadhassan

شاهد أيضاً

يابنات انا مشكلتي مشكله عويصه ساعدوني الله يخلي لكم اللي تحبونه ويحقق لكم امنايتكم

السلام عليكم ورحمة الله وبركاته كيف حالكم ان شاء الله طيبين يابنات انا مشكلتي مشكله …