اختي غدرت فيني وام زوجها فضحتها

أخواتي باختصرقصتي قد ما اقدر ولا تبخلون علي خلاص انا بديت أدمر نفسي بـنفسي بسبب الناس حسبي الله ونعم الوكيل ذنبي برقبتهم 😆 🙄 كل من تسبب بأذيتي لأني انسانة تحملت مالا أطيق بسبب ما اختاره الله لي والحمد الله فأمر المؤمن كله خيره وأحمد الله على قضاؤه فهو عالم الغيب والشهادة يعلم مالا نعلم وثقتي بربي قوية بإذن الله

أنا متزوجة من فترة ولا حملت وكانت تصيرلي مواقف بسبب هالشي وكاني مسوية مصيبة الكل يحاول يتشفى مني بهالشي رغم اني انسانة ضعيفه ما أتكلم حتى ولا ارد

المهم كأي بنت أكثر انسانة كنت الجأ لها هي اختي وكنت اشتكي لها وادق ابكي وتواسيني
كنت حتى زوجي ما احاول ابين له وش العذاب اللي قاعده اتعذبه ولا وش يصير لي
كنت اشتكي لها من اللي يخبون حملهم عني وكأني حسودة ولا بأكله ويعلم الله اني افرح للكل رغم كل اللي يصير بس ودي لما أقول للوحدة انتي متنانة تقولي بكل صراحة من الحمل ولا حامل والله ماتجرح قد لما تخبي وكأني بأكل اللي فبطنك اللي رزقك بيرزقني باذن الله
المهم اختي تزوجت قبل 7 شهور …………. وتكلمني عالواتساب بشكل شبه يومي
وجاتنا فترة بعد 4 شهور من زواجها والبنت ماشاء الله متنانة ومكرشه طبعاً هي ماقالت لي انها حامل ماشاء الله كانت تمثل علي واحيان اسولف معاها تقول علي الدورة ومتعبتني ومدري ايش وشوي تقول باروح اصلي بس كنت اشك واقول لا لو حامل بتعلمني مستحيل تخبي وهي عارفة قد ايش انجرح من اللي تخبي ❗
المهم صدقتها لانها اختي
وسافرت وقبل امس كان عزومة عند اهل زوجها ورحت وشوي الا ام زوجها تقول لي الله يرزقك يابنتي وان شاء الله نسوي سابع عيالك مع اختك ان شاء الله 😛
انا تقريباً قعدت نص ساعه عشان استوعب كلامها ………….
وراح عقلي طول العشا وانا امسك دمعتي رجعت البيت كلمت اهلي واسألهم يقولون ايه اختك بالسادس بس هي حلفتنا مانقول لك

انا لي يومين حياتي معفوسة ونفسيتي زفت
الاقيها من الغريب ولا من القريب
ارحموا من في الارض يرحمكم من في السماء