عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بدخل بالموضوع على طول من سخافته والقهر اللي فيني
اختي سلمكم الله سافرت تتمشى في ربوع المملكه وقررو هي وزوجها مايرجعون الا بداية رمضان ماشااءالله عليهم . المهم اهل زوجها ساكنين بقريه واختي بالمدينه ام زوجها طلبت مفتاح شقة اختي من ولدها قالت يمكن نحتاجه واليوم اختي عرفت من زوجها ان اهله في بيتها ودقت جارتها تقول مين في شقتك ؟؟ الصغاار خارجين داخلين والباب الساعه 1 بالليل ومفتوح مايسكرونه لان اخت زوجها ساكنه بالعماره اللي مقابله للعماره اللي فيها اختي وبعد كلللللل خواته موجودين جايين يصيفون خخخخ وعيالهم كثار ماشاءالله وصغار اختي قالت لزوجها بكلام جارتها واتصل في امه وقال الباب لاتخلونه مفتوح والصغار لايطلعون كثييير وبس
اتصلت اختي فيني مقهووره ومتنكده وخايفه على بيتها اللي بعد سنتين من زواجها كملت اثاثه آآآه يالقهر اثاثها مرره حلو والكنبات قماشها من النوع اللي ينعدم بسرررعه ماشاءالله جاراتها يقولون كأنه جديييييييييييييد ماصارله يومين عندك يعني مررره محافظه عليه
بالله عليكم وش الحل مع اهل زوجها اللي مايستحووون
كل ماسافرت صار هالموضوع وتتنكد زوجها قال مستحيل اقول لامي مابعطيك المفتاح وقبل هالمره اختي عصبت وقالها هذا بيتي وانا حر واهلي بيجون يعني بيجون قالت الله يحييهم وانا موجوده مو انا اطلع وهم يستحلونه
انا بصراحه مدري كيف يسمحون لانفسهم يدخلون بيت الحرمه وهي مو موجوده 😎
المشكله زوجي اخو زوجها وانا بعد اسبوع بنقل بيت جديد جنب اختي يعني بيصيرلي مثل اختي 😐
للأمانه اذا زرنا خالتي قسم ماتخلي شي لدرجة قت الغدا ماتجلس تكون رايحه جايه تجيب اللي ينقص وكل شوي فلانه كلي زين مااكلتي وداايم تكوون معنا ضد عيالها وربي شااهد بس لو تغير هالعاده البشعه هي وبناتها يازينهم خخخ
