اختي وخطيبها الجديد..ماالحل؟

عندي موضوووووع كثير شاغل بالي وحبيت اشوف ارائكم اللي توصلني لحل ❗

اختي عمرها 18 سنه يعني في ثالث ثانوي تقدم لها (ولد عمي) والمشكله مو هنا

هذا الولد كان مملك على بنت قبل ثلاث سنوات واستمرت فترة الملكه سنه كاااااااااامله

وكان يحبها وتصير له بنت خاله وقبل زواجه باسبوووووووع طلقها لانه على حسب كلام اهله

انه كشفها تخونه مع واحد ثاني ….وصارت مشاكل بينه وبين اهل خاله كبيره وعلى كلامه

انه كره البنت كثر ماحبها وكان في ذاك الفتره يقول ماراح اتزوج ولا راح افكر بشي اسمه زواج

ونحن لنا سنه كامله نسمع مع الناس ان ولد عمي صار متعلق في اختي ويبقى يتقدم لها

بس مامعه ميزانيه وكان كله كلام مع الناس اهل عمي ماقالوا شي

جاء البارح عمي كلم ابوي وقاله على كل شي ان الولد يبقى البنت ومررره حاط امله بعد الله انكم ماراح
ترفضون

نحن ماعندنا مشكله لان الولد طيييييييييييب لدرجه ماتتخيلون وكلن يمدح فيه وفي اخلاقه وكرمه وحنيته

اختي تقول احس اني محتاااااااره وخايفه انه يكون لسى يحب اللي طلقها والا يجي يوم من الايام يقارن بينها وبين طليقته

فما رايكم بعد ان شرحت لكم هل يستحق ان توافق عليه والا وشلون.؟

وهل عن جد كره طليقته وماراح يذكرها لاختي لان نفسيتها زفت مره وتبقى استشاره من احد