اخت المصلحة

حبيت أقولكم قصتي
وتشاركوني معناتي
من 8سنوات بدأت

وبعد وفاة أبوي الله يرحمه
انكشفت الأقنعة
تحولوا أخواني إلى عبيد للمال

وصدق المثل اللي يقول :
(الفلوس تغير النفوس)

صرت أشوفهم ناس مااعرفهم
ناس مستحيل أني عشت معهم

ناس كنت أكل أنا وياهم مع بعض
نام مع بعض
نضحك مع بعض
نبكي مع بعض

اكتشفت انو اللي غير الكل شخص واحد
اللي هي أختي

اللي تصغرني ب4سنوات

قدرت تقلب كل شي ضدي حتى أمي
وصلت للأمي كلام أنا ماقلته
وأشياء أنا ماسويتها
حتى أمام الناس صارت تقذفني بالكلام
الكل يسألني متأكدة أنها أختك
بعد 3سنوات عداوة واللي سوته وقالته رجعت لي
علشان أوقف معاها بزواجها
نسيت اللي صار واحتويتها وقفت جنبها
مع أني
تناسيت اللي سوته وما حاسبتها وقلت لا أختي مالنا ألا بعض
والحمد الله أمي رضت علي
وتم زواجها مرت أمي بظروف صحية صعبه
ودخلت المستشفى وبعد فترة طلعت
كانت فحوصاتها تشير أنها مريضة بالقلب
الله يبعد عنا وعنكم كل شر
وبعد سنه جابت أختي أول بيبي
وكانت بنت. وش قد فرحت لما شفتها حسيتها بنتي
بهذي الفترة كانت صحة أمي تتردى
طبعا محد راح يقوم في أختي ألا أنا بفترة النفاس
وجت عندي في البيت وقمت فيها والحمد الله ماقصرت
حتى بنتها أخذها انيمها عندي علشان ماتزعجها
بعدها صار عندي حمل ونزل البيبي
لقيت كل الناس حوالي ألا أختي
طبعا بناتي صغار
فكانوا جاراتي يجون يساعدوني
في البيت من كنيس طبيخ غسيل ملابس
وأختي؟ جتني بعد 15 يوم
وجايبة حلا وقهوة فترة العصر وراحت عالمغرب
نسيت أقولكم أختي موظفة
عندها يومين أجازة ويومين دوام
ومرات دوامها من 1الظهر لحد 8بالليل
ومرة من الساعة 8بالليل إلى 8صباحا
فترة دوامها تجيب بنتها عندي لحد ماترجع من الدوام
طبعا ماراح أقولكم كلكم عارفين انو الطفل
يبيله سهر عناية وتعلقت فيها وهي تعلقت فيني

وبعد سنتين تعبت أمي مرة ثانيه ودخلت المستشفى
وجلست سنه في غيبوبة بعدها توفاها الله (الله يرحمها)

وبعدها حملت أختي بالبيبي الثاني
انتم عارفين الوحدة لما تحمل وشلون تتعب
وكانت عندي طول مدة الحمل فترات بسيطة تروح لبيتها
طبعا الأيام اللي مرت كنت احسب أنها حست بغلطها
من ناحيتي
بس الحمد الله كل واحد على نيته
وجابت البيبي وكان ولد
طبعا جت جلست عندي وعلى فكرة أختي كل ولادتها قيصريه
وجلست عندي شهرين
طبعا جلست عندي بحفاوة وتكريم
وكبرت مسؤوليتي صار بدال الواحد 2
وبيت وزوج وعيال
وطبعا أختي ترجع من الدوام تعبانه وجوعانة
وبعدها لازم تنام
بدا زوجي يتأفف ويسمعني كلام
أنا زوج على ورق أنا أخر اهتماماتك
حتى بناتي شالوا المسؤولية معاي
صرت ألاحظ عليها أشياء توشوش بنتها أول ماتدخل تسأل
وش قالولك
في مرة كانت بنتها رافعة صوت التلفزيون
وسمع زوجي الصوت وقام يصارخ على بنت أختي
وجيت وقلتله ترا أختي موجودة تسمعك
قال خليها تسمع وخليها تربي بنتها زين
وخفت أنها تزعل لأكن ولا حرك ساكن عندها

وبعدها دخل
ولدي في حمل المسؤولية معي أنا وبناتي
يعني كان يروح لبيتها (بيتها قريب قبلي بشارع)
ويجيب عيالها وأغراضهم
بدون أي اعتراض
في مرة قالت لي إنها مره قلت لزوجي يدخل معاي الشنطة قال زوجها أنا ماني حمال مثل
ولد أختك أشيل عنك
سكت مارديت عليها بأي شي مع أنها جرحتني

في مرة قلتلها ممكن تأخذين عيالك معاك للدوام
لأنو زوجي بدا يسأل ولدي مين يودي عيال خالتك ومين يجيبهم
وخايفه تصير مشكلة لأن زوجي راح يزعل علي إذاعرف إن ولدي يروح يجب أعيالك بيس ألني وين زوجها
وقلت لها وخذيهم وقالت لي خلاص
مر أول يوم ماكلمتني

أرسلت على ولدي رسالة أنا آسفة علشان سببت لك مشكله مع أبوك
وبعد ثلاث أيام اتصلت على أخواني تقولهم أسألوها ليش تحاربني
وجت أختي الكبيرة من الدمام وطبعا جلست عندي ولا فكرت تجي تسلم عليها
لما كلمتها أختي وقالتها وينكم
قالت خلاص ماراح أدخل بيتها مرة ثانيه علشان زوجها طاردني
قالت لها أختي الكبيرة أنتي عارفة زوجها وش قد صعب
وعيب تقاطعين أختك اكبر منك
قالت أنا أتصل عليها وماترد علي أو تعطي الجوال لعيالها يردون علي
طبعا الكلام هذا كله خطأ ماصار
وطبعا زعلت عليها علشان نصحتها وقالت لها هذي أختك عيب تقاطعينها

حاول أخوي الكبير يتدخل وقالت له نفس الكلام اللي قالته لأختي الكبيرة
وطبعا قالت له
زوجي حالف علي أني ماأدخل بيتها ولا أجيها
حبيت أقولكم أنو أختي أخذة بكالوريوس من جامعة الأمام
قسم الدعوة والأعلام

اخوي الكبير محتار يسألني يترا ليش تسوي كذا معاك
معقول يكون كره أو غيره
قلتله أنا اللي محتاره ولآني لاقيه جواب
والحين لها 3شهور مقاطعتني وحاولت تغير أخواني علي
لولا الله ثم أخوي الكبير
حتى زوجي صار يسألني عنها وينها ماصارت تجي
ولا تجيب العيال زى أول
وأنا أرد علية أقوله عندها إجازة أو مشغولة في بيتها
بمعنى( أصرفة)
وأخر شي صرت اقولة جابت لها شغالة وخلاص استقرت