عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مساء الخير اخواتي الغاليات
بابدا بالموضوع على طوول
ااخت زوجي كانت زميلتي بالمدرسه اول ماستجدت بالمدرسه الثانويه دخلت حياتي بطريقه غريبه
وكان بيتهم في حارتنا
ابعدتني عن كل صاحباتي كانت تبغاني لها بالحالها
وكنت اجاملها وامشي معاها
صدقوني يابنات
لدرجة انها لو شافتني امشي مع احد غيرها تجلس تبكي وتحرجني قداام البناات
ومرت الاياام وقالت لي انها كلمت اخوها علي وانه اعجب فيني وقالتنهم بيتقدمون لي وتقدموا لي والله تمم بخير وهي اتجوزت قبلي بسنتين يعني يوم انا اتزوج ماكانت بالبيت
وانا سكنت مع اهل زوجي بس في شقه منفصله بس نجتمع على السهره وفي رمضااان ومرتين بالاسبوووع
والله العظيم يابنات ان ام زوجي وابوه مثل البلسم طيبين مررره وحنونين ومافي مثلهم
لاكن اخت زوجي هذي الظاهر انها لما خطبتني لاخوها كانت تظن ني رااح اصير وياها اقرب لبعض
لاكن انا خلاص اتزوجت وصارت عندي مسؤليه وزوج وعيال
سبحان الله انقلبت 100 درجه
صاارت تناضرني نظرات حقووده وتسوي حركات نكد بالجلسه ويالله ترد السلااام
جايبه 3 عياال ومتزوجه بالجبيل لاكن قسم بالله يابنات انها نص السنه تكون عندنا بالرياض
وماادري ليش
لي 6 سنوات متزوجه وهي كذا تجي عندنا تطقها 6 شهور 8 شهور بعدين تروح
المشكله زوجها من النوع اللي يستانس اذا قالت له حرمته بروح عند اهلي شكله يفتك من المسؤليه
والمشكلة انه يجي كل اخر اسبوع ينام معاها في المقلط ويروح
واللي بااط كبدي انها ماتهتم بعيالها مخليه اكلهم وشربهم على امها وتزعل من امها اذا واحد من عيالها وسخ بالحفاظه وماقامت امها غسلت له
وانا فووق بالشقه عيالها اربع وعشرين سااعه عندي وزوجي يخاصمني يقوول خلي الباب مفتوح لاتسكرينه بالمفتاح
والله العظيم يابنات مافي خصوصيه لااقدر انسدح ولا اقدر البس براحتي ولا اقدر حتى اجلس بحظن زوجي
لانهم طالعين داخلين
والمشكله اذا بناتي نزلواتحت تروح اخت زوجي تطردهم وتصرخ على الدرج
انا يالله في عيالي ماني ناقصه احد ثاااني
واذا جم عيالها مااقدر افتح فمي
حتى ام زوجي ماصرت احب انزل عندها بسببها
اليوم صرخت على ولدها وقلت له انزل تحت رااح زوجي زعل ونزل ولا كلمني
باله دلوني وش لون اتصرف ودي يصير لي لساان واتكلم مثلها
المشكله جتني ضيقة صدر حتى بيتي مالي خلق اشتغل فيه
صرت احب اطلع برا البيت ولما ارجع وانا بالطريق اجلس ابكي لاني اتذكر انها موجوده بالبيت
وعلى فكره
ترااها تقلدني في كل شي
اي بلوزه اشتريها ترح تشتري مثلها
اي شي حتى الاكسسوارات حتى الحلى حتى العطور حتى قصة الشعر والله يابنات ماتتصوروا
وذا شافتني لابسه شي وقالت من وين اقولها اخر حبه بالسووق تروح من وراي وتكلم زوجي وتروح نفس المحل
احس انها صايره مثل ضلي بالبيت حتى لما احط براس بناتي زيت تروح تحط براس بنتها زيت لما اشتري لبناتي فستان تقول جيبي لبنتي مثله
تتصل علي وانا فوق
يااربيه والله ماتتصوروا احس انها متابعتني في كل شي
اعطوني رايكم بكل صراااحه
وسلااامتكم
