عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم & صباح / مساء …الخيرات …
اخباركم جميع ان شا الله يارب كذا تكونو بصحه وبسلامه ومستانسات وكل غالي لكم
طيب انا موضوعي صراحه ابي اطرح فيه اشكاليات اشوفها ع البنات واتاضيق منها حيل اولا لان اخلاق المسلم المفروض تكون مثال يقتدا به لان قدوتنا اشرف الخلق
احيان يا بنات اشوف اخلاق البنات انواع الزفاته معبسه ولو يمر ذبان من عندها خانقته 😡
فيه اخلاق كثيره ما اشوفها عندنا او بالاصح معطينها اشكل …
خلونا ناخذ شوي منها ونشوف اذا عندنا نحاول نغيرها 😆 🙂
مثال
الاعتذار–
الغالب يشوف في الاعتذار امتهان او تنقيص للشخصيه ودليل ع الضعف !!!
الشكر–
والله احيان الواحد يساعد قد ما يقدر وبالاخر حتى كلمه شكرا ما يسمعها ليه طيب .!
ما نعرف قول الرسول عن أبي هريرة مرفوعاً : (( لا يشكر الله من لا يشكر الناس )).
النفاق الغيبه
منتشره بشكل كبير في وسط النسواني ما شا الله مع العم بعضيم ذنبها !
الكبر والغرور
مشكله اشوفها بكثره بداعي الثقه !!
اي ثقه في الغرور… ذا اكبر دليل ع العكس ..
تلقينها تمشي وتناضر الناس بطرف عين كان الناس انخلقو من تراب وهي من ذهب !
فيه شي ثاني والله يا ناس اني اتضايق اذا شفته
النضافه
.. تجيك البنت قمه الشياكه وكل يوم لوك وريحة العطر ابو 500 تشمينه من مسافه والنضافه ما شا الله واضحه فيها بس المشكله نضافه بالجسد بس, لاكن لو تجين تشوفينها تاكل وترمي اكلها تقعد بالمكان نضيف تقوم تلقينه زباله تكرمون !
ليه طيب اش يضرك لو جمعتي اغراضك ورميتيها والله العضيم مو ضارنا شي مره اذكر الي ضاق فيها صدري حيل قامو بنات وقعدنا احنا بعدهم تخيلو الكتشب مكبوب ع الكراسي واكواب الكوفي والببسي مليانه مرميه والي مكبوب في الارض والي موزع ما شا الله في الارض …طيب انتي جلستي والمكان نضيف من باب حب لاخيك ما تحب لنفسك زي ما قعدتي نضيف خلي الي بعدك يعقد ع شي نضيف !
لا واذا قلتي لوحده شيلي اغراضك قالت منيب خدامه !!!!
لان هي مب متعوده ببيت اهلها هي الي تشيل زبالتها ما تعلمت من نعومة اضفارها انها تحافظ ع نضافه المكان العام … اوكي ببيت ابوك شغالتكم تشيل عنكم بس برا لاااا انسي الشغاله …
…. والله كلنا فينا عيوب بس والله الواحد لابد ع الاقل يحاول انه عيوبه ما تاذي غيره …
شي ثاني تجيك الوحده والله العضيم تقعد من اسبوع لاسبوع ما تتحمم او نقولها من جمعه لجمعه واذا مرت من جنبك تحسين انك شبه لا واعيه من قوه الريحه !!
طيب انتي اذيتي مسلمه !…والله النضافه عندنا نادر ما تجتمع في شخص يا اما يجيك نضيف جسميا فقط واما بالمحيط الي يعيش فيه لا (اختي من رواد ذا المبدا انا نضيفه بنفسي المكان فيه احد ينضفه وانا لازلت احاول اغير منها )او يجيك الي وسخ في محيطه وفي جسمه !! وفيه ولله الحمد الي نضيفه بنفسها وبمكانه والحمد لله نوعا ما كثير …
طيب نقطه ثانيه يا يبنات..
الازعاج والاصوات العاليه !
تسميعن صياح وضحك باعلى صوت كانهم حاطين مكبرات بحلوقهم ما شا الله طيب افرضي وحده مصدعه تعبانه وانتي تصارخين تقولين اول مره ينفك حلقك وتين تسمعين صوتك !!!
والله عيب كنك مجنونه ضحكتك ضحكت همج وخاصه بالاسواق الحركه ذي منتشره!
حتى السوالف سولفي بشويش ماله داعي تسمعين الي بالقطب الجنوبي السالفه …
الاغاني تشغلها وباعلا صوت طيب بغض النضر عن حكم الاغاني مارح نقول ملائكه ما نسمع بس اقل شي لا تشركين الناس معك عشان لا تاخذين ذنبهم بعد …غير ع انه مجاهره بالذنب ايضا اشد ازعاج من الي تصارخ وتسولف وتضحك ..
خلصت
…
🙂 💡 >لكل الي مرو ع الموضوع
