اخواتي الفراشات ساعدوني ؟؟؟

السلام عليكم ورحمه الله وبركاته
اهلا وسهلا فيكم حبيباتي
حبيت اسال اي وحده منكم ماتبخل علي لو برد يبرد القلب او دعوه من قلبها لولدي الله يشفيه
ولدي عمره سنتين و3 شهور كان طبيعي من يوم ولدته من كل النواحي سليم معافي ولله الحمد ومن يوم صار عمره سنه ونص كان يتكلم طبيعي كم كلمه ويلتفت لكل اللاشياء الي يحبها مثلا لما يسمع الطيور مثل اي طفل سليم
المهم عانيت معاه طوال هالمده الي بدت معاه مرحله التعب كان يعاني من اذنه فتره ومررت به على كم اخصائي الى ان استقر الوضع على اخصائي الاذن والحمدالله ارتحت من علاجه والان له شهرين من بديت معاه العلاج مافيه الا العافيه ويارب دوم
طلعت كل السالفه بس التهاب بسيط بالقناه السمعيه ومع الزكام مايسمع زين والحين مافيه شي وماطولنا بالعلاج الا لمده شهر والمشكله من عمره سنه ونص الى الان لايتكلم مثل اي طفل انقطع من كلماته المعتاده كان عادي يقول ماما بابا وتعالي وعطيني
فجاه توقف عن الكلام الي ان قالو بسبب اذنه والان له شهرين مافيه من عالجته طبيعي وينطق يتاتا بالحروف بس ماعنده تركيز معنا بالنظر الا معي او مع ابوه بس الي ابغى اعرفه من فيكم جرب هالحاله ومتى تكلم ولدها او بنتها اذا تاخرت عن الكلام ونفس مشكلته مر فيها
لاني عجزت انتظر انه ينطق باي كلمه لما يسمعني يركز شوي وبعدها خلاص يعجز عن النطق ويطنش ويشغل نفسه باللعب وحتى لدرجه اني احترت معه قلت يمكن عنده توحد وسالت وبحثت بهالموضوع ورحت به عند شيخ صار احسن لما يقرا عليه ومع الاستمرار بالتحصين بالرقيه الشرعيه والدعاء والصدقات كل شي سويته ومتوكله على الله سبحانه
يارب اشفي ولدي اتمنى انه ينطق ويركز معاي وعشان اعلمه على الحمام وينتبه للاوامر وافطمه من الرضاعه
من فيكم ولدها تاخر عن الكلام ومتى بدا يتكلم وهل هذا طبيعي ؟؟؟؟؟؟؟؟؟!!!!!!!!
ارجو منكم المساعده
وماظن تبخلون علي
اقسم بالله تعبت يوميا اسهر من التفكير فيه واحسه مو مثل اي طفل يفهم يركز يتكلم
ادعو لولدي ان الله يشفيه ويعافيه