عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
ازيكوو ياخواتي الحلوات .. انا عندي مشكله بالبيت وأهلي جاهم الهم والغم بسببها
أحنا ثلاثه : أنا ..وأختي بثاني ثانوي .. وأخوي بثالث ابتدائي ( وحيد أهلي )
كانوا طبيعيين يروحون مدارسهم قبل سنه ونص تقريبا ويداومون دائما ودوام كامل
أخوي لما كان بأولى ابتدائي وبداية ثاني كان يحب المدرسه ومستحيل يغيب ويحب يلعب ودائما يروح
لولد عمتي اللي كبره ..
فجأه أخوي تعب علينا وصار مايقعد شي ببطنه ( يرجع كل شي وانتم بكرامه ) اقسم بالله حتى
المويه صارت أمي تشربه بملعقه ويرجعها .. صار هزييييل مايقدر يتحرك .. يرجع باليوم
من 6 إلى 8 مرات .. انهلك مسكين
ودوه أهلي للمستشفيات وأشعه وطب بديل ماخلو ولا بقو قالو سليم مافيه شي اللي قال قولون عصبي
واللي قال إمساك وانتم بكرامه .. ووحده قالت معه تيفوئيد وصارت تعطيه أدويه باليوم ياخذ
3000 جرام والله .. وأختي جاها تلبك معوي على وقتها وكمان قالت الدكتوره زي اخوها تيفوئيد
وعطتهم من هالدوا..
عاد بالنهايه وديناه لأكثر من شيخ قالو الولد جايته عين بالمعده ( هو كان ماشالله مليان وحلووووو)
طبعا فترة مرضه مايروح المدرسه لاهو ولا أختي ..
غابو أكثر من 5 شهوور بس يختبرون ويرجعون ..
الحمدلله أخوي من بعد القراءه تعافى صار مايستفرغ إلا لما يقوم من النوم بس ..
المشكله :
أنهم تعودوا على الكسسسل .. صار اخوي لما يقوم الصبح يصيح ويقول بطني ما اقدر أروح
وأختي تقوم وتقول بطني واحس بغثيان واذا امي غصبتها لما توصل عند باب المدرسه تقول
حاسه بدوخه ..
اخوي ودوه أهلي لدكتور نفسي قال ان معه اكتئاب وقاعد يعالجه ..
واختي مافيها الا العافيه الحمدلله بس مدري ليه كذا تسوي .. اقسم بالله الخميس والجمعه تقووم بدري
من 9 الصبح بس وقت المدارس تقول تعبت ..
مع اننا قرينا عليها مع اخوي قالوا مافيها شي ..
امي وابوي متكدرررررررين نفسيتهم عدددددددددم .. اخوي اللي كان مثل الورده ذبل
ولاهو ولا اختي مايبون الدراسه واحنا بزمن مايخدمنا الا شهاداتنا ..
الواحد مايدري هل النعمه بتدوم عليه ولا بيجي يوم ويحتاج فيها الشهاده عشان يعيش
وش الحل مع زينقو ورينقو << شخصيات كرتونيه خخخخخ
