عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اخ ايش اقول ضاقت علي الدنيا
مابقى باب ماطقيناه ندور وظايف
ودنا نحس بطعم الحياه زي الناس الي عايشه
ناستشتري شناط وثياب بالالاف
وحنا ياحسره اللقمه الزينه مانحصلها بطلوع الروح
مليت مليت
ودي اعيش زيكم والبس زيكم واطلع وانتفس واتمشى زيكم
حتى شغلتي الي فالحه فيها كلن ينظرلها بقلة احترام كني مسويه جريمه
انا وش ذنبي انا انخلقت فقيره
وشكلي ابموت فقيره
ليه ياجارتنا تورينا وش شرالك ابوك
ليه يايمه تقولين لبوي مانبي شي ماناقصنا شي
ليه يايبه ماتقول تجهزو ابوديكم للمكان الي يعجبكم
ليه يازمن ماترحم
ودي اصحي والقا كل هذا حلم
والقا نفسي بدل الفراش الممدود بالارض الي مشتركين فيه كلنا القا نفسي على سرير مريح واصحا والبس احسن لبس واكل احسن اكل ودي اذا طلبت شي ينقال لي حاظر تدللي
ماينقالي انتي تعرفين حالتنا لاتضغطين على اهلك
كرهت الشنطه السودا وجزمتي السودا والثلاث ثياب الي بخزانتي كرهت الفطور الي كل يوم اكله والغدا الي كل يوم اكله والعشا الي احيانا انام وانا ماحطيته بفمي
كرهت حركة ابوي اذا استلم الراتب وجيب لنا حبه مع الرز وبيبسي العايله واخواني متجمعين والفرحه ماهي سايعتهم
واحيانا ماياكلون ينتظرون الي برا يجي يشاركهوم
كرهت وجهي كرهت نفسي كرهت الدنيا كلها ابي اعيش مثلكم
ماطلبت شي خلاص
اتراجع عن حلمي بسرير وخدم واكل ولبس
خلاص ابي اشتغل زي الناس ابي اجيب راتب اخر الشهر
ودي اشتري لمي هذا العيد لبس جديد
لاتقولين لبسي العام محد شافه ومابه شي
لبسك هذا يايمه من العيد الي قبل
ودي اعطي اخوي واختي
ابي اشتغــــــــــــــــــــــــــــــــــــــــــــــ ــــــــــــــل
ابي اتوظــــــــــــــــــــــــــــــــــــــــــــــ ــــــــــــــــف
