ادخلو معي وقولوا الله لا يوفق اي وحده مستنفعه تخدعنا

كل وحده تدخل تكتب قصتها الخياليه في البياض

يا ناس خافو ربكم تدرون ان معظم كريمات البياض فيها كرتيزون وزئبق يعني كل الأمراض ممكن تجي من ورا هالكريمات

انا مع العنايه ومع التبييض ومع ان الوحده تسوي اي شي يحليها لأنه اصبح الطريق الوحيد للحفاظ على الزوج دام هالشي مو مضر اهلاً وسهلاً فيه ونرحب بكل الصادقات اللي ينقلون لنا تجاربهم

لكن اللي اشوفه بالقسم هو تجاره بحته الوحده تدخل تحط المنتج وكله تلميح يعني خذو مني الرقم واشتروا وكلهم مسوين انفسهم مالهم علاقه بالبضاعه وانا اقص يدي لو مو 90 بالميه من كاتبات هالمواضيع مندوبات مبيعات

ادعوا معي يالله يارب اللي تحط كريم والا حبوب او اي منتج وتقول انها استخدمته وفادها وهي كذابه الله لا يوفقها في حياتها الشخصيه و الله يمحق بركة فلوسها وشغلها

جالسين تتاجرون بحياه البشر تدرون ان فيه بنات استخدموا كريمات سببتلهم فشل كلوي؟؟

حتى لو منتجك ماله اي اضرار صحيه يكفي انك تقدمين منتج ماله الفاعليه اللي قلتي عليها يعني نهبتيهم واهدرتي فلوسهم

همسه لبعض مندوبات الكريمات والمستحضرات التجميليه .. انتوا تمارسون اردى انواع التجاره تستغلون الرغبه العنيفه للبنات بالبياض والجمال تسلبونهم اموالهم وصحتهم ببعض الاحيان ومالكم الا الدعااء عليكم والله اعرف مندوبة مبيعات كتبت قصتها بأحد المنتديات تقول كنت ابيع البنات بالألوف وربي كنت مديونه وربي ماحق بركة فلوسي ومن يوم تركت شغلي واشتغلت بمحل كوافير وتعلمت احط مكياج تقول دخلي اقل بكثير من يوم كنت مندوبه لكن ربي مبارك فيه

انا ما عمري انخدعت فيهم ولله الحمد لكن اقرا عن بنات دفعوا ألوف قبل شوي اقرا في مضووع بالقسم وحده تحلف انها دافعه 12 الف ريال ولا لقت اي فايده !!

الله لا يوفق الكذابات منهم ادعوا عليهم معاي