عالم البنات النسائي كل ما يخص المرأة العربية من ازياء وجمال والحياة الزوجية والمطبخ
http://satfrequencies.com/girls/alfrasha13/thread1156924/
في هذا الموضوع وعدتكم اني اكتب لكم خلاصة تجاربي
في هذا الموضوع راح اتكلم عن :
* تجربتي مع زيت الخروع وكف مريم والمشي في الشهر التاسع
*قصة ولادتي وتجربة الولاده في مستشفى الولادة والاطفال الجديد بالدمام
كنت اراجع عند الدكتوره فريال لايقه بمستوصف الصحه والحياه وبصراحه دكتوره رائعه بمعنى الكلمه خلوقه ومتفهمه وبما ان ولادتي الاولى قيصري كانت الدكتوره متفائله اني هالمره اولد طبيعي وهي اللى نصحتني اولد في مستشفى حكومي هالمره عشان يطولون بالهم علي وفعلا نصيحتها في محلها كان موعد ولادتي الجمعه بتاريخ 2711 الموافق 1012 يوم عيد الاضحى قبله هذا الموعد يوم الاثنين رحت مراجعه للمستوصف وفحصتني وقالت الرحم مسكر:( خذي زيت الخروع عشان مايجي موعد ولادتك الا والرحم فاتح هالكلام كان يوم الاثنين رحت البيت يوم الثلاثا اخذت زيت الخروع مقدار فنجال مع العلم انها قالت لي خذى العلبه كلها وكانت النتيجه مغص واسهال والفجر جتني طلوق خفيفه جدا كل خمس دقايق الصباح اختفت الطلوق 😆 يوم الاربعا ماصبرت رحت لها مره ثانيه وفحصتني وقالت فاتح واحد سانتي فقط وقالت اشربي علبه كامله من زيت الخروع واتركي الخوف انشالله مارح يجيك شي .. رحت البيت وشربت خروع ونفس الشي اسهال فقط ( نسيت اقولكم ان صارلي اسبوع اشرب كف مريم ولا فيه اي اثر للطلق) كان يوم الاربعا اخر يوم دوام للدكتوره عشان الخميس والجمعه اجازة العيد قالت لي اذا ماولدتي الجمعه (اللى هو يوم موعد ولادتي يوم العيد ) اصبري اسبوع وتعالي لي مره ثانيه او روحي المستشفى على طول .. طلعت من عندها وانا مره تعبانه نفسيا 😆 🙂 وقلت بلا زيت خروع بلا بطيخ مافيه الا المشي
وحطيت حيلي بالمشي … عيدنا يوم العيد ونا محد حولك لاطلق ولا شي بلعكس كنت احس اني نشيييييييطه .. المهم عدى يوم الجمعه والسبت يوم الاحد طلعت انا وزوجي وولدي .. ورحنا للشراع مول وتمشينا ولعبنا عبودي لين زهق وطلعنا ورحنا مطعم وتعشينا وعينا من الله خير وكانت ذيك الطلعه مميزه جدا .. ضحكنا لين قلنا بسسسسسس يمكن الضحك اللى ولدني رحنا كارفور ومريت على الخضار وجت عيني على الاناناس وقلت خلني اجرب واخذت هالذيك الاناناسه اللى ربي ماكتب لي اني اكلها … المهم وحنا راجعين قاللي زوجي مانتي حاسه بشي قلت لا بلعكس هاليومين صايره انام برااااااااااحه وماحس بتعب زي قبل .. رجعت البيت ونمت … اليوم الثاني الساعه عشر الصبح قمت والا احس شي حار ينزل .. اناظر .. موووووووويه ….. ياربي هاذي مويه الراس على طول ع الحمام واتروش من الخوف مدري وش اسوي بدون تفكير تروشت ماكان فيني الم لا شي ………..يتبع
