ادري الانتحار حرام بس والله مابقى حل غيره

امي وابوي في مشاكل ما يعلمها الا ربي ..

حنا عيالهم وبناتهم اللي صرنا طولهم محنا قادرين عليهم .. اخواني وخواتي رفعو يدينهم من خلافات امي وابوي .. وتلهو بدنياهم مع انهم بنفس البيت ومع انهم اكبر مني .. وفيه بعد اصغر مني ..

خلافاتهم كل يوم تزيد ومن شهر وصلت بينهم للشيطان الرجيم .. ابوي خلاص مقرر يترك البيت .. وامي دمعتها ماتنشف لاليل ولا نهار .. وانا احاول من الجهتين ولا طالع بيدي شي ..

من يومين ابوي اعترف ان اللي فيه سحر وانه حلم باللي سحرته كانت تبيه يتزوج بنتها واسقته شي يقول من وقتها وانا اشكي الام بجسمي وعيوني بالذات من العصر لاخر الليل ..
واحيان يقوم من نومه من شد الالم .. يقول هذي الحقيره اسقته السحر من 7 سنوات ونسى كل السالفه بس يوم حلم فيها يحس كأن ربي نبهه ..

البلا انه عرف وتأكد انه مو طبيعي واقوله حط يدك بيدي خلنا نروح نقرا عليك .. قام يتعذر ومن هينا وهناك قالي خلاص بأسبوع الاجازة وادري انه يصرف ..

طبعا ما جبت طاري لامي احس انها بتكذبه او تحتقره اكثر .. فحسيت لازم اسكت .. بنفس اليوم اللي اعترف دخلت عليه الغرفه بالليل لقيته يصيح ..
متخيلين يا بنات الانسان اللي تعتبرينه سندك بالحياه يصيييييح وربي شفت دموعه وهو اللي يوم وفاة ابوه بس خنقته العبره ولا بكى .. والحين يوم صار بالخمسين يبكي كأنه طفل ..

ليت ربي خذاني قبل لا اشوف هالمنظر .. ليتني ما جيت للدنيا من اصله .. ليتني انا اللي انسحرت ولا هو .. حسبي الله ونعم الوكيل فيها بس ..

باختصار احس ماعاد فيه حل .. اخواني مو مساعدني .. صح الموضوع منكد عليهم حياتهم بس ماغيرو ساكن وانا لحالي مقدر اسوي شي ..
فـ بما ان ربي نطقه وخلاه يقولي عن الحقيره .. وارسلني لغرفته عشان اشوفه يصيح .. يعني لازم اسوي شي لازم اصلح الوضع .. وانا حاسه اني مربطه مابيدي شي ..
احس ربي حاط مستقبل اخواني الصغار بذمتي اني اصلح هالوضع وانا اعترف مو قد هالسالفه ..
فلازم انسحب .. ادري حرام انتحر بس وربي ماقدامي الا هالحل ..
يمكن موتي يغيرهم .. يمكن يصلح الامور ..