عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
اخواتي العزيزات
لا اخفيكم انني اعاني من مشكلة اتمنى من الله ان اجد الحل المنتظر
كنت ادخل الشات وجلست فيه سنه كامله قبل ادخل الشات كنت ملتزمه اصلي السنن والرواتب واداوم على جميع الاذكار قبل النوم والمساء والصباح وبعد الاذان كنت اصوم من كل شهر كنت اوتر قبل انام مستحيل اسمع اغاني او شعر فيه مؤثرات صوتية ماكنت اشوف ابدا القنوات الفضائية وكنت متفوقه بدراستي وكنت اجتماعية احب الناس و كنت وكنت وكنت ووو
بس الله يسامحهم صديقاتي قالوا لي عن الشات ومن حب الاستطلاع دخلته وللاسف ادمنت عليه وجلست سنه وتبدل الحال وبديت اتساهل في كل شي في الصلاه والاغاني والمسلسلات والصيام تركته وصرت انطوائية وصرت في دراستي مهمله جدا لدرجة اني حملت مادة وانا عمري ما ذقت طعم الرسوب كنت دائما مع المتفوقات بس مع الشات كل شي تبدل المهم اني قابلت بالشات شخص نصحني من الشات وكان ينبهني من الشات وبعد ما شفت حالي وشفت النتايج قررت اترك الشات من عزم واصرار وفعلا تركته ولي بالضبط شهرين بس للاسف هذي الايام امسك نفسي بالغصب عن دخولي لشات ودي ارجع ومن جد اتذكر اللي صار لي منه بس كمان نفسي اماره بالسوء وتعبت من مجاهدة نفسي ابي حل بليـــــــــــــــــــــــــــــــز الله يخليكم من جد مليت الفراغ ذبحني ومالقيت وش اشغل وقتي فيه الا النت واذا دخلت المنتدى تجيني رغبه ادخل الشات وماودي ارجع ادمن انقذوني !!!
