عالم البنات النسائي كل ما يخص المرأة العربية من ازياء وجمال والحياة الزوجية والمطبخ
قبل لا تقرا الموضوع احذرك لو مت من الضحك ترى ماهو ذنبي
…………………….
كان فيه ولد طفران يعني ما عنده ولا ريال
راح لابوه وقاله:عطني15 ريال ودي اشتري كوره
الاب:انقلع عني تراها واصله معي
الولد:تكفى يبه بس 15 ريال ولا اقول لك خلها 10ريال
الاب:ماعندي فلوس…اذا تبي رح بيع الديك حقك المريض الي بالحوش
الولد:بس هذا مريض مااحد بيشتريه
الاب:ما علي منك دبر نفسك
الولد استسلم للأمر الواقع واخذ الديك واول واحد قابله في وجهه
اكيد ابوه……
قال الولد:تشتري الديك
الاب:اقول يا تنقلع عني يا اتوطا في بطنك
الولد:خلاص خلاص لا تنفخ
طلع الولد من البيت ومعه الدديك في محاوله
يائسه ان الديك ينباع
عرض الديك على اهل الحاره كلهم ولااحد قبل يشتريه
قال الولد:امممممم والله مالي الافلانه عقلها خفيف واكيد اقدر العب عليها بسهوله
فلانه هذي وحده متزوجه بس للاسف كانت رايحه فيها تلعب بذيلها من ورا زوجها
راح الولد عشان يبيع الديك عليها
الولد:تشترين الديك تكفين
الحرمه:هلا والله بحبيبي تعال قرب عشان ابوسك بوسه خفيفه
الولد:مني فاضي لك خذي مني الديك وخليني اروح
الحرمه:وين تروح ياعمري انا ماصدقت اني اشوف رجال في البيت
الولد:ومنهو الي قالك اني رجال خذي مني الديك وخليني انقلع
شــــوي
الا الباب يدق
خافت الحرمه وقالت للولد:تعال انثبر هنا في الدولاب لا يطلع زوجي ونروح فيها
حطت الولد في الدولاب وراحت تفتح الباب الا طلع صديقها الي تخون زوجها معه
الحرمه:هلا والله بعمري وحياتي
الرجال:ياهلا فيك ياعمري
ما امدى الرجال يكمل كلمته الا والباب يطق الحرمه :ياويلي هذا شكله زوجي تعال
ادخل في الدولاب …ودخل خوينا الدولاب
وفجاءة في عز الظلام سمع صوت يكلمه داخل الدولاب
ويقول:تشتري الديك
الرجال:اصصصصصصصص رخ صوتك الله يرحم والديك لا تفضحنا
الولد:اقول تشتري الديك
الرجال:ياخوي خلاص ابشتري الديك بس قصر حسك لا تفضحنا
الولد:طيب
الرجال:بكم تبيعه
الولد:100 ريال
الرجال: ايش!!!هالديك المنتف المنتوف المريض ب100 ريال
الولد:وش دراك انه منتف ومريض؟المهم تبي تشتري ولا ارفع صوتي
الرجال:لالا خلاص ابشتري وامري لله
جلسو خمس دقائق
الولد :تبيع الديك
الرجال:توك بايعه علي يابن الحلال
الولد:تبيعه ولا ارفع صوتي
الرجال:لالا خلاص ببيعه وامري لله بكم تشتريه؟
الولد:بريال
الرجال:ايش!!ريال الحين انا مشتريه منك ب100 وانت تشتريه مني بريال
الولد:تبيعه ولا ارفع صوتي
الرجال :لالا خلاص ببيعه وامري لله
جلسو خمس دقائق
الولد:تشتري الديك
الرجال:ياخوي توني بايعه عليك
الولد:تشتريه ولا ارفع صوتي
الرجال:لالا خلاص ابشتريه وامري لله بكم تبيعه
الولد:ب200ريال
الرجال: ايش! توني مشتريه منك بريال
الولد:تبي تشتريه ولا ارفع صوتي
الرجال:لالا خلاص ابشتريه وامري لله
جلسو شوي الا الولد يقول:تبيع الديك
الرجال:انالله وإنا اليه راجعون بكم تبي تشتريه
الولد:بريال
الرجال:وش تبيني اقول ابكي ولا اشق هدومي يالله خذ الديك ببلاش
بعد ان اخذ الولد الديك شوي الا الحرمه فاتحه عليهم الدولاب
قالت لهم:يالله بسرعه انحاشو دام زوجي بالحمام بس واحد ورا الثاني عشا لا يحس فيكم زوجي
طلع الرجال وانحاش ولحقه الولد بعد خمس دقائق
الموهم
قام الولد يمشي بشارع مستانس ان معاه فلوس راح البيت وشاف ابوه قاله:تشتري الديك
الاب ناظره والشرار طالع من عيونه :يابن(..؟..)ال300 ريال الي لطشتها مني بدولاب ماكفتك ….
منفوووووووووووووووووووووووووول
