عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
كيفكن ياامهات و يافراشات انشالله بخير
المهم انا عندي بنتي عمرها سنة و سبع شهور …. و هي وحيدة ما عندي غيرها.. المهم انها هلأ صايرة كتير حركة بسم الله ماشاء الله و بتحب تنكش كل شي و هلأ ماشاء الله صارت تطلع عالكنب و عالطاولات و هي مبسوطة
او تقولنا طول الوقت دد ما بعرف هل انا عم اغلط بتربيتها و انصحوووووووووووووني رجاء يلي مربيين اجيال و المشكلة انه لحنا بالغربة و لا طلعة و لا فوتة الا مرة بالاسبوع و انا حاسة حالي فااااااااضية و ملل … مع انها ماشاء الله ملية عليي الوقت بسم الله الله يحفظهاو كمان مرة كنا في زيارة المهم بنتي جننتني اول شي دخلت حمامهن و فتحت الدوش و ملت الدنيا مي مع تيابها طبعا خانقتها و ضربتها على ايدها و بعد شوي وقعت درج مليان اغراض و طبعا كمان اكلت ضرب على ايدها يعني مرت الزيارة جنان بجنان ( يمكن غلطت لأني ضربتها ما بعرف ) يارب انصحوني رجاء و يلي تقرأ و ماعندها نصيحة تدعيلي الي و لعائلتي يارب يوفق الجميع
