عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
أم زوجي متوفية لها اقل من شهر وحلمت فيها حلمين أتمنى انكم تفسرونها..
الاول: ام زوجي كانت ممددة على الارض وكانت تستفرغ دم باستمرار والارض مليانة دم وكنت انا وبنتها عندها وكنا خايفين وانا من شدة الخوف طلعت وكان فيه لها بنتين بالغرفة الثانية ولا اهتمو بالموضوع وكنت مستغربة وقتها انهم ما جابو خبر.
الثاني: كنت طالعة من شقتي رايحة لشقة خالتي المقابلة لشقتنا ادور زوجي ودخلت الشقة ولقيت اخت زوجي بالصالة وسألتها عن زوجي قلت وين (احمد) وقبل ما ترد علي سمعت صوته يبكي ويصارخ بالمجلس قلتلها الله يهديك خليتيه ينفرد لحاله ورحتله بالمجلس لقيته نايم على سرير كبير يصارخ وينادي (يمه) وام زوجي كانت نايمة بنفس الغرفة على سرير المستشفى ولما دخلت الغرفة وشفت ام زوجي خفت قلت هي ميتة وش جاب جنازتها هنا وزوجي مازال مستمر بالصراخ ويناديها وردت عليه قالت (يالبيه) وهو نط من السرير عندها فرحان وانا خفت وقمت اصارخ من الخوف كيف تكلمت وهي ميته وجتني اخت زوجي اللي كانت في الصالة وتمسكني بقوة وتهديني وتقولي وش فيك وهي ما تشوف شي بالغرفة يعني حلم بوسط حلم وكنت ميتة خوف واصارخ واقول اعوذ بالله من الشيطان الرجيم ،اعوذ بكلمات الله التامات من شر ما خلق، واشوف ام زوجي تناظرني بحرارة واشتد خوفي وطلعت من الغرفة اخت زوجي الصغيرة (وهي متزوجة) وتقولي ويش فيك ورحت لشقتي وانا اركض.
