عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اخواتي
جربت من مدة مادة الشمع بالسكر في ازالة الشعر الزائد
ولاحظت انها افضل من الحلاوة لأنها بتشيل الشعر وهو صغير
ما في داعي استنى لما يطول عشان اشيله بالحلاوة
وهية انظف لأني ما بستخدم ايدي وما بتلتصق بالجلد
اشتريت علبة برأس دوار متل الديودرانت بتسخني العلبة في المايكرويف او حمام ماء دافئ وبتدهني الجلد بالشمع وبتحطي فطعة القماش بتيجي مع العلبة وبتضغطي عليها شوي وبتنزعيها بسرعة
وكمان في نوع اخر من الشمع اتوقع انه افضل من اللي استخدمته
بتدوبي الشمع وبتدهنيه على الجسم بعود الخشب وبتحطي القماشة وبتنزعيها
انا كنت ماكلة هم
بس اتزوج كيف رح استنى لما يطلع الشعر واشيله بالحلاوة؟
لازم ما اخليه يظهر
ومستحيل استخدم الموس
وكان الشمع هو الحل اللي الحمدلله لقيته
والحلو بالشمع انه ما بيشد الجلد ولا بيسبب الترهل
ممكن استخدامه حتى للوجه افضل من الخيط
بس انتبهوا اخواتي من مادة الشمع وهي سخنة لأنها بتحرق الجلد
انصح باذابة الشمع بحمام الماء الساخن افضل من المايكرويف
موضوعي من تجربتي
اتمنى لكم الفائدة
ادعولي يا حلوات بالتوفيق ورضا رب العالمين
