عالم البنات النسائي كل ما يخص المرأة العربية من ازياء وجمال والحياة الزوجية والمطبخ
انا عن نفسي بستعمل الحلاوة طبعا لاشك انو هيا افضل الطرق ولكن انا عندي مشكلة مغلباني كتيييير وهيا انو طبيعة جسمي بطلع شعر تحت الجلد وخاصة في فترة الشتاء وخاصة كمان في منطقة الرجلين .. المشكلة بعد مااشيل الشعر بضل مكانها متل حبوب صغيرة وممكن تترك مكانها اثر يعني بضل بعض المناطق شكلها مش صافي فانا دورت ع كتير اساليب لمنع نمو الشعر نهائياا او حتى تخفيفه لاني لاحظت انو المناطق من جمسي الي مافيها شعر بتكون كتيير ناعمة ونا الحمد لله بشرتي بيضة فاتحة كتير .. ونفسي يكون جسمي كلو زي هيك
دورت كتير بالنت ولقيت كتير طرق …ومحتارة شو استخدم اكتر الطرق الي لقيتهااا ومجربة وطبعا اكيد بعض البنات كاتبين انهم استفادوا والبعض التاني مااستفاد..
اول شي طريقة نبات السعد مع زيت الزيتون ( والطريقة هي انو تغلي زيت الزيتون مع نبات السعد ) وتدهني المنطقة بعد ماتشيلي منها الشعروتستمري مدة اسبوع بعد كل مرة بتشلي فيها الشعر وهالطريقة امنة ومافي منها ضرر
بس المشكلة انو في وحدة بالمنتدى مابتزكر شو اسمها ذكرت انو استعملت الطريقة وصار عندها شعر تحت الجلد !!! بصراحة خوفتني يعني انا بدي احل المشكلة مابدي ازودهااا؟؟؟ شو بتنصحوني انتو
وطبعا سمعت انو زيت النمل منيح بس مابعرف من وين اجيبو ومابعتقد انو متوفر عنا بفلسطين؟؟ شو رايكم
تالت شغلة وهيا الي بدي عنجد نحكي فيها وهيا دم الوطوااااط؟؟؟؟!!!!!!
طبعا الاكيد وال 100 % انو هالطريقة استعملت من زمان وهيا بدهن البيبي قبل الاربعين يوم بدوم الوطواط الدافي لمدة اربع عشرين ساعة وفي الي صديقة عملت الها امها هيك وهي بيبي وهالبنت ماشالله ماشفت احلى من جسمها ابيض ناصع ومافي ولا شعرة ومرتاااااااااااحة عمرها ماعملت حلاوة ولا غلبت حالها وانا انشالله ناوية اعمل هالطريقة لبناتي لانو عنجد هي اروع طريقة واريح طريقة للابد
بس السؤااااال الي محيرنييييي كتير هل بنفع استعملها هلا وانا كبيرة يعني !!!!!!!!! يعني رح تعطي نتيجة او لا في وطبعا وانا بدور بالنت لقيت بنت كاتبة انو امها استعملت الطريقة قبل ماتتجوز وانو جسمها روعة ومافي شعر ابدا ( شجعتني ) ……. وبعض ناس تانيين كمان كاتبين انو مابنفع الا للبيبي !!!!!! ( فشلوني )………وطبعا قرأت موضوع هل اطريقة حلال او حرام وهادا اللينك بجواب ع الموضوع
http://www.nilestars.com/vb/showthread.php?t=1075
وكتير ناس بسألو من وين ممكن نجيبوو ؟؟ قصدي للوطواط ؟؟ طبعا انتو مارح تيجبو بنفسكم لانو لو عملتو هيك رح تقرفو من اولها ومارح تستعملو .. هو بنجاب عن طريق العطار بتتفقي معو يجيبلك ياه ويدبحو وبنفس اليوم تروحي تاخدي الدم منو وتستعملي
انا عارفة انو هالطريقة مقرفة وااانا صارلي سنين بفكر بالموضوع وخايفة كتير منو ولكن ازا كانت هيا هاي الطريقة الاخيرة رح استعملهاااا في سبيل الجسم المثالي (هههههههههه)
فايااااارييييت الي بتقدر تسأل وتجيبلنا جواب شافي رح اضل ادعيلها ليل نهااااااااار لانو فرحي قرب وبدي احل هالمشكلة قبل ماااتجوز وعقبال عند كل الصبايااا
