عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
اتمنى الدخول والرد علي والتجاوب مع مشكلتي
محتاجه دعواتكم لي يابنات ان الله يفرج لي همي يارب وهم كل بنت مثلي
نبدأ الموضوع على بركة الله
القصه ومافيها ان انا تقدم لي واحد من اهل امي طيب
بعدين اهلي سالوا عنه وتشاوروا بينهم والكل اتفق على ان الولد
اخلااااااااااق << حطوا تحتها خط احمر وان الولد والنعم فيه
حتى لدرجة ان ابوي يوم كان يسال عنه قالوا له اذا انت
بتسال عن اخلااااقه لاتسال الا اذا عندك شي ثاني بتسال عنه قوله
المهم جاو اهلي قالوا لي الخبر وانا ماصدقت من فرحتي وقالوا
ان الولد كذا وكذا <<( اخلاقه _وظيفته حكوميه رسميه _
اهله_طموحه يبي يدرس ويكمل _راتبه_ السكن _ عمره 27)
طبعا انا قلت اذا انتوا موافقين انا موافقه اذا انتوا سالتوا عن الولد
وطلع مافيه عيب ليه نرده قال ابوي لا والله الحق يقال الولد
ماعليه اي كلام
المهم جينا لصلب الموضوع والمشكله جا بعد فتره خالي وقال
حنا قلنا الزين وباقي الشين نقوله عشان الامانه ونكون واضحين
من البدايه قال ان اهل الولد يعني عيلتهم عندهم مرض (الزهايمر
والبرص ) وبالوراثه هالشي الجد والجده وخالته وكذا فرد يعني
ومن ناحية بيتهم هم مافيه الا ابوه اللي مصاب بالبرص بس
انا بصراحه ترددت هنا بعد ماعرفت هالشي من قبل لااعرف
كنت موافقه ومستحيل اغير رايي وبعد ماعرفت ترددت شوي
فقلت مالي الا الله ثم انتوا يااخواتي انصحوني وش اسوي
اولا انا خطابي مو كثار لو اقولكم ان هذا هو اول واحد تقدم لي
ماتصدقون مع اني الحمد لله شكلي مقبول وجامعيه بس هذا نصيبي
وعمري 22 سنه بدخل في 23
وبعدين الولد ماينرد لان نادر الحين ماتشوفين رجال كذا
وهالشي (المرض) مو بيدهم ولا لهم دخل فيه يعني هذا كله من
عند ربي وانا لو رفضته وش ضمني ان يجيني واحد عدل
ومافيه عله ثانيه يعني بعدين هذي كلها اشياء في علم الغيب محد
يدري عنها ويمكن اخذ هذا وربي يكتب لنا الخير كله وانا الحمد
لله اي شي من ربي حتى لو انه ضرر لي اعتبره خير مابلاني الا
انه يحبني
انتوا لو كنتوا مكاني وش تسوون اوافق واتوكل على الله واقول ان
كل شي من عند ربي
ولا ارفض وانتظر نصيبي الين مايجي مثل ماجا هذا ودق بابي
والله محتاره ومو عارفه وصلاة الاستخاره صليتها قبل لااعرف
بهالشي وحسيت انه عادي يعني
والاستخاره يلزمها الاستشاره يعني وقلت اخذ واعطي معكم
قولوا لي وش تنصحوني فيه تكفون ردوا علي وش اسوي
اوافق ولا ارفض
بنات امانه ارفعوا الموضوع حابه اشوف ردود البنات لان لازم
ارد عليهم خلال كم يوم وابي اشوف مشاركة البنات معي
ودعواتكم لي ان ربي يفرجها علي وعلى كل بنت مثلي
اللهم امين يارب العالمين
وجزاكم الله الف خير ان شاء الله 
