عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
انا قصتي قصة..وماسجلت الصراحة الا ابي مساعدتكن لي لأن زواجي بعد ثلاث اشهر وانا اعيش صدمة نفسيه بسبب هالموضوع
انا يا اخوات كنت استخدم علاج حب الشباب (الريتان)
المهم وصفه لي دكتور بدون مايأخذ أي تحاليل ولا شي بس جيته ووصف لي هالعلاج..
وقعدت استخدم الريتان شهرين والصراحه تحسن وجهي..وبالصدفه راحت اختي لطبيب جلديه ثاني ورحت معها وقلت خلني اسأله عن هالعلاج لأن نفسيتي تغيرت..المهم المفاجأة ان الطبيب هذا قال اللي وصف لك العلاج هذا ما يخاف الله لأنه ماينوصف الا لحالات الوجه القويه …وسألني متزوجه قلت لا لكن بتزوج بعد اربع اشهر…انصدم الطبيب وقال مستحيل لازم تمنعين الحمل لمدة سنة من ايقاف العلاج …يعني بعد الزواج لازم امنع ثمانية اشهر.. هذا الكلام في الشرقيه!!
وفعلاً وقفت العلاج هذا على طول من كلام الطبيب وصار لي شهر موقفته وباقي عالزواج 3 اشهر ونزلت للرياض وسألت دكتورتين عن هالموضوع وحده قالت عادي تحملين بعد 3 اشهر من ايقاف العلاج…وحده ثانية (وهذي واجد مدحوها لي) قالت عادي تحملين بعد شهر واحد من ايقاف العلاج..
المهم قلت خلني اتأكد زيادة ورحت لطبيب يقولون استشاري وصدمني وقال لازم امنع الحمل لمدة ستة اشهر بعد الايقاف (يعني لو حسبناها صح بامنع لمدة شهرين) وقال الافضل امنع الحمل لمدة سنة من ايقاف العلاج اللي هو الريتان لا بارك الله فيه من علاج…. المشكله اني قريت الوصفه قبل استعمله لكن ما اهتميت فيها!!
أنا نفسي بالحمل ان شاء الله ولا احب استعمل حبوب المنع وبنفس الوقت اذا قدر الله وحملت اخاف يجي المولود متشوه وابقى ندمانه طول عمري
انا الحين محتاااااااااااارة مرررة ولا لي الا الله ثم انتن يا اخواتي…ابي مساعدتكن لأن الاطباء حيروني… اذا وحده جربت العلاج هذا وايش سوت وهل فيه وحده حملت بعد اربع اشهر من استعمال الريتان ويوم حملت وولدت هل فيه تشوهات في الجنين….ابي التفاصيل بل تفاصيل التفاصيل..وابيكن تحتسبن اجر اجوبتكن عند الله سبحانه وانا بانتظاركن.
