اسمعوني ووجهوني ربي يسعدكم..

السلام عليكم
كيفكم يا بناااااااااات؟؟
يا حلوات انا ما دخلت هنا الا لأني اعتبركم أخواتي
وبصرآآآآحه فيه موضوع مقلقني ومخليني متضآآآيقة..
انا بحكيلكم قصتي وانتم احكموا ووجهوني..
انا يا بنات كنت زيي زي غيري انخطب وما يتم نصيب طبعا بعد الاستخارة والسؤال ارفض لأني ما ارتاح
وخطبني واحد وظيفته على قده واحترت كثير وسألنا عنه كثير
سمعته وربي زي المسك وكل مين يمدحه وأهلي ارتاحوا مرررره منه..
وانا ما انكر اني ارتحت بس كنت قلقآآآنة من ناحية الوظيفه..
وكنت أقول لأهلي متررده لوظيفته قالولي ان شاء الله وظيفته تتحسن ولا تشيلين هم هذا الشي..
استخرت كثييير،، وآخر مره قمت الليل وربي أبكي وأدعي اذا فيه خير لي اني ارتاح له وينشرح صدري..
أذكر بعد ما استخرت ودعيت وبكيت نمت على طول وقمت ثاني يوم وربي حسيت برآآآحه عجيييييبة
المهم أعلنت موافقتي وسوينا التحاليل وملكنا وربي يا بنات حبيته مرررررررررررررررررررررررره
وقضيت للزواج وهو الحين يأثث للشقه طبعا ايجار..
بس والله يا بنات للحين احس اني خايفه من المستقبل..
وربي أحيان أقول انا ليش استعجلت ولمن اتذكر الراحه اللي جاتني بعد قيام الليل اقول لا خيره من ربي..
بالرغم اني مو كبيرة وعمري 20 أدري البعض بيقول ليش وافقتي كان استنيتي
بس انا بحاجة زوووووووووووووووووووووووووووووووووووووج
بحاجه انسان يشاركني كل شي بحياتي وانا اشاركه كل شي بحياته..
بحاجه انسان يستر علي واستر عليه..
والله انه مو مقصر علي بشي في هالفتره لمن يجيني يجيبلي هدايا ويعطيني مصروف
وفوق هذا هو مستلم جوالي وعلى طول يسدده لي بدون ما اتكلم ولا اطلب..
ودايم يسألني اذا ناقصني شي ولالا..
وحتى الفرح تمنيت قاعه معينه وهي غآآآلية شوي راح حجزها عشان خاطري بس
وشهر العسل اللي ماكنت متوقعه انه بيصير ولا فكرت اصلا اننا بنقدر نسافر.. راح هو وحجز وقالي..اكيد متسلف من احد ومو معقول بيقوم بزواجه وهو امكانياته ما تكفيه..
مع هذا كله ا حس اني خاااااااااااايفة كمان..
بس لمن ا شوف انه فيه كثير بنات يتمنون الزواج اقول الحمدلله ان الله رزقني بواحد يحبني ومتعلق فيني..
هو راتبه 4 الآف وفيه احتمال ترتفع لـ 5500 ويحاول في الوقت الحالي يدور على وظيفه احسن..
بنات محتآآآآآآآآآآآآآآآآآآآآآآآآآآرة وخاااااااااااااايفه من المستقبل..
هل فيه وحده متزوجه واحد ماديته ضعيفه شوي وعايشة حياتها عادي؟؟؟؟؟؟؟؟
آحس كلامي ملخبط بس وربي من الضيقه اللي فيني