عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمته الله وبركاته
طفل قعد يبكي في اليوم الثاني من الدراسه وسأله المدرس ليه تبكي ؟….قال مالقيت فصلي ..
قال له المدرس انت في اي صف ياشاطر ؟ …قال الطفل انا في صف ثاني
اخذه المدرس لفصل ثاني ودور اسمه ومالقاه فقال له اسمك ماهو في ثاني انت امس وين كنت ؟
قال الطفل انا امس كنت في ” اولى ” بس اليوم اصير في ثاني ..****!
” هذا على كيفه يحسب كل يوم سنه جديده
=============
الثاني مسكين احتاج الحمام وراح له وبالصدفه مر احد المدرسين جنب الحمام وتفاجأ ان فيه ملابس كامله مكومه خارج الحمام من ثوب وفنيله وسروال وجزمه وشراب ….
المسكين الطفل بعد ماخرج من الحمام قالو له ليه كذا ؟ ….قال انا كذا اروح للحمام في بيتنا.
((من غير عادته قلت سعادته ))
=============
طفل داوم معاه ابوه اول يومين وفي اليوم الثالث قال له انا ابروح للعمل واذا احتجت اي شي رح لم هالرجال واللي هو مدير المدرسه….
والمدير يلبس نظاره وله لحيه واللي تسمى سكسوكه وبعد ماراح الوالد بفتره قعد الطفل يبكي وراحو به للمدير والمدير اتصل على الوالد واعطى التلفون للطفل يكلم ابوه فسـأله ابوه انت من وين تكلم ؟….
قال الطفل انا اكلمك من عند الملك عبدالله..
((يخلق من الشبه اربعين ))
=============
طفل آخر من المستجدين ذهب في وسط الدراسه لفصل اخوه وقال للاستاذ ممكن اخوي….ضحك المدرس وقال ضروري ؟ قال الطفل ايه ضروري مره….
المدرس توقع انه محتاجه يوديه لدورة المياه فقال لاخوه اطلع معاه….ولما طلع قال الطفل لاخوه تعال نبغاك تلعب معنا
=============
طالب قال له المدرس شف هذاك كرسيك روح اجلس عليه….الطالب ما اكتفى فقط بالجلوس ولكنه عند نهاية الدوام اخذ معه الكرسي يجره الى بيتهم .
((شكرا يااستاذ على الهديه ))
=============
بنتي في الحضانة.. أول يوم راحت.. انبسطت و كل شي تمام.,,لما رجعت قالت ..يا ماما انت فشلتيني****حاطيتيلي فطور يكفيني انا بلحالي ترا حنا بالفصل واجدين ..
و الساندويتش ما كفانا كلنا و لا بقالي شي****!(أثرها توزع على الدنيا.. تحسب الفطور قطة********)
((كرم حاتمي ))
و نفس اليوم قبل ما تنام قالت : ياماما اذا جيتي تقوميني الصباح و لا طعت أقوم لا تقوميني..معناه ان بطني بيعورني وماني رايحة المدرسة************
((تجهز العصابه قبل الفلقه ))
تحيتي
طالبه المغفرة
منقول للامانه
