اعرفي شكل وجهك وبعدها ابرزي جمالك وتفنني بالمكياج

وما يحتاج أحط صور لاننا كلنا عارفين..

أنقهر كثير والله يوم اشوف بنات جميلات جدآ والله معطيهم ملح ماله حد..
ويشوهون جمالهم بـ ميك أب فيه جميع الالوان
للمعلوميه اغلب المشاغل الي عندنا الي يشتغلون فيها خبره وممارسه فقط..
يعني قليل الي دارسين ومعهم شهادات..
والدليل تشوفين نفس الميك اب على الجميع ..
ليه هو كل الوجوه نفس الشكل؟؟!
نفس الملامح؟؟!!
نفس الفستان؟؟!!!!

من هنا راح نبدأ ..

كل وحده تعرف شكل وجهها وعلى اساسه تزين مكياجها بنفسها..
الصيف جاي..
والمناسبات بتكثر..
ماله داعي نكثر الخساير

ببدأ بالفكره الاساسيه للموضوع..

(( شكل الوجه ))

What’s the Shape of Your Face

هذي الصوره توضح الاشكال وسبب تسميه كل شكل..

وهي..

“الوجه القلب”
الوجه يكون عريض من جهه الجبين ومنطقه الخدين..ومنطقه الفك صغيره.. ➡

“الوجه البيضاوي”

يعتبر هذا الشكل متناظر وهو شكل مثالي.. 😆

“الوجه الطويل”

يكون الوجه اطول مما هو عليه وعاده تكون منطقه الدقن بارزه 👿

“الوجه المربع”

الوجه قوي وواسع من منطقه الذقن وتميل الزرايا الى شكل المربع ❗

“الوجه الدائري”

يقترب الجبين وع الخدين والذقن في استداره كامله للوجه 😈

اذا للحين مو عارفه شكل وجهكـ..
افضل طريقه..
وقفي قدام المرايه..واربطي شعرك كله على ورا..
وامسي اي قلم محدد عندك وارسمي على المرايه حدود وجهكـ
“اتمنى الشرح واضح”
الشكل الي بيطلع او القريب له هو شكل وجهكـ..