افاعي تحوم حولي

انا امراة متزوجة عندي ثلاث اطفال .. عمري 27 سنة ..

حلمت الحلم بعد صلاة الظهر بالضبط .. نمت وكنت وقتها ما اصلي عندي عذر شرعي ..

المهم : حلمت اني كنت قدام مزرعة للوالد بالديرة عند اهلي .. وكأني واقفة قدام باب المزرعة وفيه شجرة كبيرة

يسمونه البدو بالرمث .. ياليت فهمتي قصدي ..

المهم وما كنت اقدر اتحرك .. كانت الافاعي تحيط بي لدرجة فظيعة .. وكانت اشكال متعددة بين الكبير للوسط

والصغير .. وكنت ارفع ثوبي عنها حتى ماتتشعبط فيه .. وابغى اعدي ومو قادرة كانت تمد لسانها وكنها تحاول

تلدغني .. ولابسه الله يكرمك جزمة وكنت ادعس عليها لاني ابغى ابعد عن المكان وبنفس الوقت كنت خايفة انها

تلدغني .. لدرجة اني اطالع لرجولي واقول شكلها لدغتني لكن من ورى الجزمة .. وشوي كذا حسيت بشي داخل

جسمي بالضبط عند وركي اليمين ومسكت الافعى بس من ورى لبسي يعني ماشفتها انا لكني بعدتها عني وانا

لافتها بلبسي اللي كنت لابسته .. المهم وصرت امشي والافاعي تمد لسانها علي وانا اركض ابغى ابعد عنها لدرجة

اني اشوفها مرة كثيرة وبعضها مدفون بالارض .. ما اشوف منها غير لسانها تمده علي .. واغلبها ذكرني بشكل

الافعى الكوبرا ..

وبعدها طلعت من المكان وكان يمشي وراي خطيب حماتي لكن ما لاحظت منه شي ابدا .. ومشيت وقابلت بنت

عمتي اللي هي زوجة خطيب حماتي وقالت لي كلام بس مافهمته .. وعديت من عندها وكنت خايفة من الافاعي ..

وانتهى حلمي بس لما قمت من النوم حسيت فعلا اني متضايقة خصوصا اني دائما ما احلم بالافاعي ..

ارجو منك تفسيره وجزيت خيراً ..

ملاحظة:

حالتي النفسية عادية جدا .. نمت وانا مرتاحة ولا اعاني من مشاكل ابدا .. وكله من فضل ربي ..