عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاته
بما ان فيه كثير من البنات هنا يبحثو عن عمل وينتظروا شهوور وسنين 
علشانه وتضيع كثير من ايامهم بدون منفعه …. ليش مانفكر ونغير طريقه تفكيرنا ومعيشتنا … ليش مانفكر بمشاريع صغيره نساعد فيها انفسنا وغيرنا ونثبت ان النساء اشقاء الرجال … وقادرين على العمل والمسئوليه… وانا بصراحه فكرت بكذا كثير … عندي كثييير من صحباتي بعد التخرج جلسوا في البيت وقالوا ان ارواحهم بتطلع من الملل والطفش… واعرف وحده رفضت هاذا الشي فطورت نفسها في هوايتها وهي التصوير الفوتوغرافي 😆 🙂 والتصميم بالفوتوشوب وغيره وحضرت دورات ومؤتمرات وشاركت في مسابقات وتستعد لموقعها الخاص (ماشاءالله) …
اليوم خلينا نغير فكره الجلوس بلاهدف واننا نكون عاله على احد لامجتمع ولا اهل.. ونبدأ باافكار ومشاريع خاصه بالنساء علشان نطبقها بأذن الله … وياليت الي لهم هوايه يكونو مجموعه عمل بنفس المجال … وانا اقصد هنا العمل من المنزل فقط يعني الوحده ماتتعب كثيير خارج بيتها وتلف وتشتغل مثل الرجال الا اذا كان في حدود تلبيه الطلبات او شراءها… والافضل يكون لك موقع تعلني فيه خدماتك او تحطي لك اعلان في مواقع مختلفه وبتلاقي اقبال ان شاءالله ولاكن لابد من الصبر والهمه .. وابتدأ مني انا راح اعطيكم افكار بسيطه وانشاءالله تستفيدو منها …افكاري خاصه في البيع والشراء في الانترنت فقط ولاتحتاج الى توصيل بالشحن لأي مكان… والاهم مراقبه الله في هاذي الاعمال
1-تصميم البنر والتواقيع والبروشورات والمطويات وعروض البوربوينت(فكره ممتازه بوجود اعداد كبيره من المعلمات وطالبات الكليات ):D
2- بيع برامج والعاب الجوالات والايبود كالبلاك بيري والآي فون 😈
3-بيع الكتب الالكترونيه (لابد ان يكون لديك احتراف في الكتابه 😳 وكلما كان موضوع الكتاب مهم وخاص كلما كان مربح)
4- كتابه مواضيع مختلفه بشكل واسلوب جذاب وبيعها للمدونين واصحاب المواقع الذين يبحثون عن مقالات متنوعه
5- تصميم بطاقات دعوه للزواج او حفل خطوبه او سابع طفل او تخرج 😎
6- مركز خدمات للتوثيق (تحويل المسموع الى مكتوب مثل الخطب والبرامج وهذه يحتاجها الكثير من المواقع الاسلاميه 😛 )
7- تصميم الازياء لمن يحتاجها:D
8- دورات تعليميه او دروس تقويه لمواد مختلفه 😆 idea:(الموضيع المتخصصه فيها او تجيدينها)
9- طباعه البحوث والمقالات والكتب :P(يفضل اذا كنتي سريعه في الطباعه على لوحه المفاتيح)
10-الرسم 😉 -لا لرسم ذات الارواح
يلله يابنات شدوا الهمه واعطونا افكاركم الحلوه وشاركونا بالآراء …. واذا مافهمتم اي نقطه من النقاط وتحتاجون شرح زياده …. لايردكم الا كيبوردكم (الكيبورد 😆 )
