عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بنات بقول لكم قصتي بإختصار
انا من كم يوم نويت الم قشي انا وبنتي الرضيعة واروح لأهلي
واخلي زوجي يفضي شقتنا ويروح عند اهله عشان ماينحسب علينا فتح بيت واجار وفواتير يعني باختصار يوفر
ويصير يحول لي كل شهر حق الاجار عشان اشيله على الراتب اللي بشتغل فيه وانا عند اهلي لحد
مااجمع المبلغ المطلوب مني لإجراء السفر وإصدار الهوية لي ولبنتي
معلش مااقدر اقول تفاصيل اكثر عن هذا الموضوع غير انه عشان انا وبنتي مانصير من غير اثبات لاسمح الله
لازم اسافر واطلع لنا هوية وهشي يبيله فلوووووووووووووس
وراتب زوجي مستحييييييييييييل يكفي وعشان كذا فكرت اروح عند اهلي اشتغل وبنفس الوقت نوفر على انفسنا اجار وبكذا ان شاء الله اقدر اجمع المبلغ المطلوب مني
طبعا زوجي بالشمال واهلي بالشرقية
وفترة غيابي بتكون خمس شهور وفوق
لكن متردده لانه الشغلة فيها هد بيت مفتوح وغياب عن الزوج..وخسارة مادية بالاثاث..
واخاف لما ارجع مايكون عندنا المادة تكفي لفتح بيت مرة ثانية
انصحوني محتاجة مشورتكم
انا بستخير ان شاء الله
وابي استشارتكم بنفس الوقت
الله يسعدكم
وساعدوني بدعوة منكم ان ربي يفرجها علينا من حيث لا نحتسب ويكفينا بحلاله عن حرامه ويغنينا بفضله عمن سواه..وصلي اللهم وسلم على نبينا محمد وعلى آله وصحبه اجمعين
والحمدلله رب العالمين
