افيدوني

السلام عليكم ورحمة الله وبركاتهازيكم انا دي اول مشاركة وموضوع ليا هو صراحة مش موضوع اكتر ماهو استغاثة او طلب مساعدة من ذوات الخبرة
المشكلة اني بدات احس فعلا اني مهملة من زوجي( مكتوب كتابي) ممكن ميكنش اهمال بالمعني بس مش بيشغل بالوا باموري الخاصة يهتم انا رايحة فين عاملة ايه كده اما يهتم مثلا ويسالني عن نفسي في ايه مهملة ف حاجة
هو مسافر دايما شاغلة بالي بيه ومهتمة بيه جدا حتى قبل الزواج وبكل شئونه واحواله اساله لما ينزل انت لابس ايه واقولو رايي واسالو عن شغلو وعن اكلو وكل حاجة مش محسساه ان ف حاجة انا مش شغاله بالي ليه وهو عارف ومتاكد انه كل حاجة ف حياتي وهو اهتمامي الاول والاخير ومحسساه ان مفيش حد ممكن يستحق ان اهتم او اشغل بالي بيه غيره هوه يعني بالعربي (وقفت حياتي عليك وبس)
بقالوا فترة لما اساله عن حاجة من دول يقولي مش مهم تعرفي ويشخط ويقولي اتغديت وخلاص عايزة ايه وانتي مالك
مع العلم انه كان هواللي مشجعني على الاهتمام بالشكل ده ومبيخبيش عني حاجة
هو عارف ان مش عندي اصحاب ومن يوم ماسافر مبخرجش ولا ليا نفس اعمل اي حاجة وجت كذا مناسبة المفروض نكون فيها سوا يعني زى فرح اعز اصحابه خطوبة صحبتي الوحيدة فرح ناس معارفنا هو اه كان زعلان انه مش موجود بس ولا حتى فكر يسالني انتي كنت عاملة ازاي لما جيت اكلمه والفت نظره انه كان يسالني على الاقل لبسه ايه ثاار وقالي انا مش فاضي للكلام ده
هو السؤال ده مش من الطبيعي انه يساله ويحسسني انه مهتم بحالي بردو؟
ولا يفكر ف السؤال ده خااااالص سواء بمناسبة او من غير ولا اي حاجة ولا اي سؤال شبيهه
حاسه انه اتغيير كتيير ممكن دلوقتي يتعامل معايا الند للند لو اتكلمت كلام مش ععاجبه يرد عليا بسرعة وغضب وبقصد انه يكون كلام يوجع ويحرق الدم مع العلم ان الكلام ممكن يكون عادي بس زوجي العزيز بيغضب من وش الكلام على السمع قبل ما يدي لنفسه فرصة انه يفكر ف الكلام مع ان دماغه كبيره وعقله ماشاء الله
خايفة يمر بيا الوقت اكون مجرد حد اتعود على وجوده ف حياته لا اكتر
عارفين مع انه ممكن يكون ف وقت اشبه بالملاك مفيش زييه ف حنيته وطيبة قلبه
اعمل ايه افيدوني
ولكم جزيل الشكر