اقسم بالله .. اقسم بالله .. بشره خباااااال نفس بشرة الاطفال ..

صباحكم سكررررررررر………….

خواتي حابه افيدكم بشي جربته والله ماراااااااح تندمون …

وهو عشان تصير بشرتكم نفس بشرة الاطفال ورب الكووون …

شوفوا ترا ما احلف عن عبث وانا عندي عيال بس من جد حااابه افيدكم (( وقول رسولنا الكريم :حب لاخيك ماتحب لنفسك ))

المهم ما بطول عليكم :

بنات كانت عندنا شغاله فلبينيه .. وللحين عندنا يمكن كملت 10سنين او اكثر وبشرتها يا بنات والله كنها طفله ..

على الشغل والطلعه بالشمس وكل شي وبشرتها نفس ماهي ماتغيرت ,,

طبعا انا من زمااااان اعرف السر لانها قالتلي بس كنت صغيره واخاف اجرب والحمد لله بشرتي زينه …

ولما كبرت بدت تطلعي حبوب وعلى شوية تصبغات زي النمش..

قلت مافي حل الا الشغاله رحت عطيتها فلوس وقلتلها جيبي لي زي اللي تستخدميه ..

وجابته .. واستخدمته .. لمدة شهر وشوي ..

لكن شوووووووووووووووووووووووو؟؟؟؟؟؟؟؟؟؟؟؟

قسم بالله خيااااااااااااااال خيااااااااااااااااال بشرتي نفس الاطفال بياض نعومه ومتورده ورب الكون …

والحين بقولك شو المجموعه المستخدمه وطريقة الاستخداام …

المجموعه اسمها اكسترا ديرم EXTRADERM

لونها اخضر كل منتجاتها ..

اللي شغالتهم فلبينيه تسألها واللي ماتعرف بتلاقيه بالسوبرماركت قسم الكريمات..

تروحين تشترين :

مقشر رقم 3 (( لانهم 4 مقشرات من رقم واحد الى 4 )) خذي رقم 3..

كريم الليل مكتوب عليه نايت كريم

كريم واقي الشمس

صابونه التبييض (( في واااااااااايد انواع صابون بس خذي اللي مكتوب عليها وايتينج او بريل سوب ))

كريم مال فلبينيات ماعرف شسمه صغييييير نفس كريم الاساس .. عليه صورة وجه فلبينيه ..

بيضاويه العلبه طولها قد الصبع ..

بتلقونها مع الكريمات مال الفلبينيات ..

…………………………………..

شوفوا بنات ترى يبا شوية مواضبه والله ماراح تندمين ..

الطريقه :

المقشر .. تحطين منه بقطنه وتمسحين به الوجه والرقبه من الخلف والامام وتبتعدين عن العيون والجفون ..

وتمسحين بشويش عشان ماتخدشين وجهك ..

وطبعا كل يوم مرتين مره الصبح مره قبل النوم..

كريم النهار وقت النهار بعد ما تحطين المقشر تنتظرين 5 دقايق ينشف وتحطين الواقي وتحملي تتعرضين للشمس مباشره ….

كريم الليل بعد ما تحطين المقشر بنفس الطريقه .. تحطين الكريم مال الليل و5 دقايق تحطين الكريم الصغير ,,

طبعا الوجه والرقبه ..<<< هذا بس تقومين الصبح تشوفين وجهك نفس القمر

وكل يوم ليييييييييين تقشر وجهك كاااااااامل وتطلع طبقة جلد جديده نفس الاطفال ..

ملاحظه :

المقشر يحرررررررررررق مع ثالث او رابع يوم من الاستعمال . على حسب البشره بس تحملي ..

انا كنت لما احطه اقابل المكيف واحطه عشان ما يحرقني ..

وراح تتقشر البشره تدريجيا … وبعينج راح تشوفين بشرتج شو راح تصير وربي شي خيال ..

الصابون قبل المقشر .. تستخدم مرتين باليوم حتى اي وقت بس لااااااااازم قبل المقشر بالصبح والمسا …

شوفوا بنات لما تتقشر بشرتج راح تحسنها جاااااااافه ..

فحطي عليها كريم الواقي يعني خلال اليوم ..

اوكي ..

هذي الطريقه تنفع للعرايس واللي عندها مناسبه حلووو تبدا فيها قبل بشهرين عشان تطلع النتايج السنعه ..

وتعالوا شوفو بشرتي نفس بشرة عيالي والله بيضا وناااااااعمه وخدودي متورده ..

على فكرة ترى الفلبينيات موسهلات واهم شي عندهم بشرتهم ..

وسامحوني عالاطاله بس حبيت اعطيكم التفاصيل عدل …

وادعولي بان الله يحقق اللي ببالي بظهر الغيب ويخلي لي عيالي ..