اقلقووونييييييييييييي ..!

السلام عليكم
بصراحه مو عارفه مين استشير او افضفض له فقلت مافي الا الفراشه ينصحوني
صاحبتي كلمتني حوالي تقريبا تاريخ 20 او 19 رمضان وقالتلي امي تبي رقم بيتكم
استغربت ليش بالبدايه ماقالت السبب بعدها قالت بتعطي الرقم وحده تقرب لنا تبي تخطبك
ووصفنا لها شكلك ..قالت اوكي اعطيهم قلت مدري بس خلاص اعطيهم وس بعدين افكر
مضى رمضان مادقو قلت اكيد عشر اواخر صلاة وتجهيز للعيد .۔
جا العيد مادقوو وخلاص نسيت الموضوع قلت يمكن الغوه لان كذا مره تحصل كذاا
وانا سافرررت وخلال فتره سفري كان زواج البنت واضن كانت قريبتهم مخططه
تشوفني بالزواج وسالت عني فيه وقالت لها اني مسافره .۔
المهم حاليا مضى تقررريبا شهر ونص من الكلام هذاا ومادقو وانا نسيت الموضوع خلاص
بس البنت كل شوي تجي وتسالني دقو عليكم؟ كلموكم قلت لا اكيد خلاص تراجعو تقول
لا تو قريبتي كلمتني وسالت عنك ثاني
ممم وارجع للقلق والهم تعرفو كيف شعور الوحده اول ماتنخطب وكل مانسيت الموضوع وتجاهلته ترجع البنت تكلمني ويرجع القلق خلاص تعبت
وامس كلمتني وقالتلي انهم يدقو عالبيت ومحد يرد وفعلا اهلي دايم يخرجو من البيت عشان كذا اعطيتها رقم جوال امي وقالت قريبتها فشله ادق برقم الجوال وسالتني بعض الاسئله مثلا اسم امك ام ايش وكذا وبالنهايه قررت تدق على رقم جوال امي واعطتها الرقم امس..۔
ورجع القلق ثاني
مشكلتي طول هالفتره وقلق على الفاضي لاني حتتى ماعرف ايش مواصفاته ولا حتى اسمه او العيله!
واستحي اسال البنت
ومعرف هل بيدقو على جوال امي او لا
وشئ ثاني كذا مره اخطب وماعرف لاافكر ولا اقرر بسبب امي تجلس تصرخ فيني انتي كل مره ترفضي ووو وانا ساكته ماقلت شئ وبالنهايه تقولهم ماتبي الزواج او تقول انتي نفسيتك ماتسمح لك بالزواج
حقيقتا عندي عيب !وهو مرض نفسي وماعرف بقدر اتاقلم كزوجه او ام واتحمل مسؤلية عيله خثصوصا اني منعزله وصاحبتي ماتعرف هالشئ هي مجرد زميلة بالكليه
اخاف اقول لهم ويحصل رفض+فضيحه يقولوا للبنت والبنت تقول لباقي البنات مابي انفضح !
شئ ثاني انا اصلا مالي رغبه بالزواج ابدا بس اهلي يتعبوني مره وابي ارتاح منهم قلت بسافر برا ادرس ورفضو فماعرف هو الحل الوحيد الزواج ! واخاف اتراجع بعد سنوات او بعد ماصير عانس حاليا عمري 22 ومناسب وبمنطقتنا سني واصغررر مني هو المناسب لو اكبر سنتين زياده بكون عانس!ومابيتقدم غير اشخاص بم عيوب او متزوجين او مطلقين لو حصل وغيرت راي مثلا !او انتظرت اصير مهيئه للزواج!
شئ ثاني انا ماعرف كيف اسال عن الولد ومواصفاته لان غالبا لما احد يخطبني امي تقولي بشكل عام انتي موافقه عالزواج او لا مو كشخص ومواصفاته! كيف اسال !
ولو وافقت مثلا كيف اقدر اقول اني موافقه امي عندها الصمت رفض عكس الناس! وماتفهم اني احتاج وقت للتفكير والاستخاره
طبعا بتقولو استخيري انا بالبدايه قلت مابستخير لان ماصار شئ بس امس استخرت وبستخير ثاني بعد مايتقدموو
وحابه اسال بعد ايش ممكن البس لما يجو يشوفوني ؟انا ملابسي اما حقات الدوام رسميه او بناطيل وبلايز قطنيه عاديه او ملابس حفات فساتين قصيره ومناسبات ولو طلب شوفة شرعيه كيف؟سمعت ناس تقول لازم تتحجبي وتلبسي العبايه وسمعت ناس تقول لازم يشوف طول الشعر واهم شئ تلبسي لبس طويل وساتر
شئ ثاني جدتي تسكن معنا بالبيت واي شئ يصير تنقله لكل العيله القراب والبعاد بالتفصيلللللل فكيف اخليهم يجو اول مره والموضوع سر مابي احد يعرف اول مره اخاف ماعجبهم او ماتتم الامور واتفشل عند كل الخلق!
واخيرا لو استمرو كذااا مادقو والبنت كل شوي تقولي بيتقدمو بيتقدمو ايش اقدر اسوي1
لان بصراحه جدا اقلقوني ومو عارفه ايش اسوي نفسي ينلغي الموضوع كاملا احسن من كل اسبوع وثاني
فاتحين لي باب قلق انا انخحرج اساسا اتكلم مع البنت بالموضوعص صوتي او بالكليه بس بالمسن بس ماعرف كيف اوقف الامر لان جد اقلقوني طنشتهم بس حتى لو انهم كل شوي يرجعو شئ يقلق موضوع الخطبه نفسه قلق !
وشكرا لكم دعواتكم لي

اضافه بعد التعديل
الناس دقو وتقدمو ومواصفاته ممتازه بس باقي اكرر الاستخاره ونسال عنه
لكن في عيب واحد فارق العمر 10 سنوات !!!!! ايش رايكم مابيكون فارق كبير بين تفكيري وتفكيره مثلا؟؟؟
وسمعت ان الكبير مايدلع البنت ويكون تفكيره قديم زي المتزوجين وجايبين عيال يعني مايكون اول سنوات رومنسيه ودلع وكذا