اكره ابوي

انا مشكلتي عووويصه مررررررره 😆 🙄

ابوي مايحبني يكرهني كره الويل وانا بعد اكرهه

دايما اقول بيني وبين نفسي لو انه ميت ارحم لي انا واخواني

تبون تقول حرام عليك هذا ابوك وان كل الاباء شديدين

بس ابوي غير ابوي مايحب الا نفسه واحيانا احسه يكره حتى نفسه

انا عمري 25 سنه تصدقون بالله مااذكر ان ابوي قالي كلمه حلوه

انا متزوجه الحمدالله لو اني مو متزوجه يا اذبحه يا يذبحني

ابوي اللي المفروض يكون القلب الحنون اللي يراعينا ويحسسنا بالامان هو مصدر الخوف والعذاب والذل لي ولاخواني

ومررررره كنا مجتمعين وزوجت اخوي موجوده ويناديني قدامها يا البقره الحمرا >>لاني لابسه ثوب احمر

واختي وزوجت اخوي اسمائهم مثل بعض ومره اختي قالت اذا قالوا يا فلانه…. ماندري من يقصدون انا والا انتي
تخيلوا رد عليها وقال مرت اخوك ناديها يا فلانه…… باسمها طبعا واختي ناديها (معياترها )
ااختي راحت لغرفه تبكي

وحده من خواتي الصغار كانت واقفه وفجئه بدون سبب الا يضربها كف وربي حسيت ان اذنها انفجرت من قوووته ولما قالت امي ليه قال لامي انثبري

تصدقون انه ضربني وانا صغيررررررره في ثالث ابتدائي عشاني طلبت ريال ضربني ضرب مبرح

ولما كنت في المتوسط جبت شعاري مو زين وربي عذبني عذااااب لدرجة اني اذا حسيت انه دخل البيت اركض لغرفتي واسوي نفسي نايمه عشان مايضربني ومع كذا يجيني ويشد شعري ويخبط راسي بالدرج اللي جنب السرير

والله ماعمره شرا لي فستان للاعراس غير مره وحده ومن ارخص شي اروح للاعراس وانا مكسوره عيني الكل كاشخ ولابس وانا لابسي يفشل

لما كنت في الثانوي بنات صفي يلبس ويكشخن في الشتاء بالبلايز وانا ياحسره ثلاث بلايز من ايام المتوسط حتى لونهن راح بنات صفي يكشخون وانا عيني مكسوووره

اذا زعل على واحد من اخواني وضربه في ضربه جماعيه للبيت كامل

ومايضرب غير بسلسله حاطها في المفاتيح بدال المداليه

خواتي اذا المدرسه طلبت عليهن نشاط او يدفعون فلوس عشان تزين الصف او عمل معين يجمعن مصرفهن اللي هو ريالين بس عشان يدفعن المطلوب

مرررررره طلع المسدس على واحد من اخواني عشانه طلبه ريال

واحد من اخواني في الثانوي وماله غير ريالين بس في اليوم مره دخلت عليه بالغرفه يبكي مثل الطفل الصغير يقوول اخوياي تصدقون علي الفطيره بريالين والعصير بريال اذا شريت فطيره مااقدر اشري العصير واذا شريت عصير مااقدر اشري الفطيره
ومررره اخوي يبي يتعلم السواقه وصدم وخرب باب السياره وابوي مسكه وضربه ضربه يموت وماينساها وداس رقبته لدرجة ان اخوي الله يعزكم يطرش الدم

واخوي الله يعزكم نعول ماعنده نعوووله متقطعه والله يشكي لي ويوريني رجليه متجرحات ولما طلب ابوي قاله اشتغل واصرف على نفسك طيب وين يشتغل دام اللي معهم شهادات جامعيه مو لاقين وظايف عشان طالب الثانوي يتوظف

والا يسرق ويعيش نفسه؟؟؟

تصدقون ابوي اللي المفروض يكون عز وسند لي يطردني من بيته

يقولي وش جايبك عندي زوجك مو رجل اللي يبجيك لنا فارقينا الله يقلعك

انا مااحبك انتي مغثه والله العضيم قبل شهر تقريبا طردني عشاني خلاف بسيط صار بيني وبين امي وهو ماله دخل بالسالفه حتى امي تقوله مالك دخل بيني وبين بنتي

طردني وخلاني اروح مشي لبيتي وربي تبهدلت يد ماسكه فيها ولدي اللي عمره سنتين واليد الثانيه كيس اغراضي وربي ماوصلت بيتي الا حيلي مهدود وولدي يا عمري يصيح تعب من المشي بذات ان بيتي مو قريب

قبل كم يوم كلنا جالسين واختي تكلم ابوي بخصوص انه مايصرف على البيت وانها تعبت من مصاريف اخواني وانها تبي تنتبه لبيتها وعياااااالها

طبعا هي مقدسه عنده عشان راتبها وانقهر منها وحط حرته فيني وانا والله ساكته ماقلت شي فجئه يئشر علي بيده الكلبه هذي وش جااااااااااااااااايبها عندي كم مره اقووولها لاتجيني بس ماتفهم

انا انقهرت وقلت له ماجيت عشانك جيت عشان امي واخواني

ومره اخوي الصغير خرب تلوينه وخاف من ابوي وحطها بولدي وابوي رفس ولدي وطاح على وجهه يقوووووول انتي حماااااااااااره وماتفهمين امسكي ولدك لااذبحك انتي وياه

ومرررره كنا معزومين على حفله واهلي يبون يرحون وانا جيتهم عشان خواتي يتمكيجون من مكياجي لان ماعندهن ورفض يودينا يقووول الكلبه هذي انا مو مسؤال عنها طيب انت تبي تودي اهلي فيني وبلايي

تصدقون اذا سافر زوجي والا كان مستلم وانام عندهم يدخل الغرفه ويطفي المكيف علي

في الصيف اصحى من نومي من الحر وفي الشتاء البرد يذبحني لان احنا منطقتنا حيييييييييييييل بارده في الشتاء

وتعرفون الاطفال مايتغطون وولدي دايم اذا كنت عنده لازم يزكم وترفتع درجة حراراته

ومره بعد كنا مجتمعين واخواني ينقاشووونه بخصوص تقصيره في حق البيت لانه يستلم تقاعد وراتب واجار بيت ومع كذا مايطلع ريال واحد بس يجيب اكل العيله والشي الاساسي بس فواكه وشغلات مالها داعي يحلمون فيها

وحط حرته فيني بعد انا انقهرت وصرخت بووووجه انا اكرهك مااحبك والله مااحبك ليت يصير فيك شي عشان ارتاح انا واخواني

وقااااااااام يبي يضربني قال لو ماطلعتي راح افضي المسدس براسك

ومواقف واجد وربي تشيب الراس

والله مو ابو وهو حرام نقوووووووله يبا

اليوم العيد وعيدت في بيتي مدري وين اروح ابوي اذا جيته يطردني

وعلى فكره هو مقتدر ماديا وعنده اكثر من مصدر رزق >>>عشان ماتقولون يمكن ماعنده

والله يشهد اني ماقلت الا الصحيح

وابيك تنصحوني وتهونو علي

لاني افكر اقووول اذا زوجي عذبني انا وين اروووح