عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحم الرحيم
“
“
“
فلم الاكشناتي والاثاه افتـ روعه النسيان ـــار
😀
مده العرض ساعه ونص
وجبات مجانيه للحضور عشان ماتأتشون من طوله
بدايته
بما اني قرر لي سابقا عمليه قيصريه لان عبدالله الله يصلحه متكي وقاعد 😡 وفال حجاج
تقرر لي عمليه يوم الاحد الموافق 7/3/2010
ودخول التنويم يوم السبت الموافق 6/3/2010
طبعا ماقلت لامي ولا اي احد عن موعد العمليه
مافيه الا انا وزوجي بس
الاحداث يدت يوم الجمعه وانا انواع الخوف
و كل كراتين المناديل الي في بيتي خلصتها من الشهاق :(والصيااح من كثر ماخوفوني بالتخدير النصفي وبالعمليه
ليله السبت مانمت الا من الساعه وحده الى 2 ونص واقوم من النوم
وعاد انا فيني طبع اذا كنت متضايقه احب اكل شوكليت <<< نفسيه بنقالي
مافيه شوكليت في بيتي الا وقضيت عليها 💡 تقول علي حلف الا اخلصه
اذن الفجر واحس بدا العد التنازلي معي
قمت صليت وقريت ماكتب ربي اني اقراه من القران وانام على الساعه 8 الصبح
واصحى الظهر واصلي وارجع صيااح قلت لابو عبدالله خلاص هونت ماراح اسوي عمليه ;)الا وتطلع عيونه براسه خيره انه كان حازم معي قال هونتي انا ماهونت باذن الله بكرا نفر صغير يجي فاملي( جزء مشفر)
لان اشوف بزارين 😆 idea: حاضرين العرض
بعد ماتغديت طلعنا مدينه فهد الطبيه نزلت ودخلت مستشفى الولاده قسم التنويم
طلعوني الغرفه خيره ماكان فيها احد بس برووحي
ماقصروا الطاقم الطبي فحوصاات وتحاليل وتخخيط للقلب عشان عندي ربو
جاني الدكتور اللي بيسوي العمليه لي
ناصر العباد & خديجه القحطاني
وفهموني على كل استفسار بدايه من التخدير الى مكان شق العمليه وقالي ان وقتها بس45 دقيقه
الساعه 11 بالليل قالو لي تصومين ويركب عليك المغذي
بدا وقت الصوم نمت صحيت الساعه 4 الفجر وعليها مانمت ومن قمت وانا حرارتي نازله ومصقعه
من البرد وهو لابرد ولا شي بس الخوف ــــــــــــــــــــــــــــــــــــــــــــــــــ ـــــــ
فاصل اعلاني
وجبات مجانيه للحضور
ــــــــــــــــــــــــــــــــــــــــــــــــــ ـــــــــ
الساعه 7 صباح الاحد جاني الدكتور وبلغني اني اخر وحده بتنصلخ ;)اليوم ترتيبي الرابعه والاخيره على بدايه الظهر
وطول ذاك الوقت وانا استغفر واصلي وعلى الساعه 9 الا ربع
مادريت الا وباب الغرفه ينفتح بقوه ويدخل معه سرير اسود استغربت كان فاضي
الا والممرضه تقول يالله مدام الهين فيه انزل تحت امليه
قلت لا انا الظهر مو الحين تاكدي وبالاخيرصرت انا اللي بترقد على هلاسود جهزت عمري ودقيت على زوجي قلت له بعبره خلاص بدخل الحين وصيته على بناتي وقفلت
نزلت جناح الضحايا وقصبهم
روائح المعقمات واصوات الاجهزه وحركه الدكاتره كلها تحوم فوق راسي
دخلوني غرفه الانتظار وقتها بديت ارجف جسمي صقع من البرد اسناني تصكصك حاله غريبه وكنت شايله هم من اللي بيسوي لي قسطره ومافيه ممرضه تدخل الا واسئلها
دخلت علي نيرس سوريه اسمها منى عسل سلمت علي وهدتني شوي
وتحكي معي المهم اسلوبها الرائع ريحني شوي وفهمتني ان ممرضه هي اللي تسوي القسطره لي ارتحت الحمد الله
الا واسمع يقولون غرفه واحد المريضه (…)
الا وينادوا اسمي
خلاص ماعاد فيه وقت اني اقول هونت كنت ادعي ربي احس كاني بحلم مو واقع
الا وادخل الغرفه والممرضات يخترشون فيها كاني داخله خليه نحل
اشوف 2 يجهزون ويتفقدون عده السلخ والذبح و2واقفين على راسي ينتظرون تعليمات الا والدكتوره تدخل علي مع الدكتور المساعد لها واكتشفت انه مو الدكتور ناصر كان واحد سوري اسمه ماهر
المهم تدخل علي اخصائيه التخدير سوريه اسمها سوزان الله يسهل لها يارب كانت قمه بالاخلاق والتعامل الرائع
كان فيه تمساحين ماغير يتلصصون على غرفتي ياما دخلوا ياما طلعوا واحد طبيب امتياز والثاني ماادري وش سالفته
الدكتوره سوزان بدت تحكي معي عن التخدير والتعليمات اللي لازم اسويها وكنت ارجف من الخوف وكان همي الاول اني اوقف الرجفه لان لازم مااتحرك وانا
انواع الرجفه من الخوف
والي زاد الطين بله دكاتره سعوديين داخلين طالعين مالهم حاجه بس يطلطلون
الا والدكتوره خديجه تطل في وجهي قالت لي (..) وش فيك
قلت لها بردانه وخايفه قالت طيب الا وتطلع كل الموجودين الي مالهم سنع اللي هم اطباء الامتياز قالت لهم برا الا وتاشر للدكتوره سوزان يعني شوفي شغلك
نظفوا منطقه الظهر وعقموها لي فهمتني اخصائيه التخدير انها ماراح تسوي ولا شي الا لما تقولي خطوه بخطوه فهمتني الوضعيه اللي لازم اكون عليها وهي تضربني الابره
عطتني الابره
طبعا ماتعور بس انا كنت خواافه وعندي فوبيا من الابر
مجرد ماخلصت حسيت ببرود وتنميل برجولي وعلى طول نوموني على السرير وحطوا ستاره يمكن طولها متر قدامي لبسوني كمامه اكسجين ومخدر بسيط
كنت وقتها صاحيه وماني صاحيه
احس باللي حولي ولا احس شعور غريب
دكتوره التخدير فوق راسي وكانت تقول لي مجرى العمليه خطوه خطوه
من بداوا يشقون وكانت طول الوقت تردد لي ادعيه واذكار تذكرني المهم قالت يالله اقرئي المعوذات على ابنك شوي ويطلعونه
وبعدها بثواني الا واسمع احلى صرخه
بكيت وقتها وكان نفسي اشوفه بس ماقدرت لانهم ينظفونه ويمسحونه
سالتها قلت لها طفلي خلقته كامل
قالت ياقلبي انتي مثل القمر
الا وارجع ابكي ثاني وتمسح وجهي وتطمني
والناس تقصب فيني من تحت حسيت وقتها باستفراغ لانهم احسهم يضغطون على معدتي او من التخدير
انتهت مجزرتي وانا الجزء الاسفل مااحس فيه ودكتوره التخدير تعطيني النصائح وهي
مستوى الراس يكون بمستوى الجسم مااحاول ارفع رقبتي
قد مااقدر مااحاول اقعد اليوم الافضل اكون متسطحه على السرير
نقلوني لغرفه الافاقه والعنايه المتوسطه وقتها نزل عندي مستوى الاكسجين الى 85 حطوا الاكسجين علي وكنت ارجف من البرد غطوني بالمفرش الهوائي الحار ومع ذلك بردانه وارجف
بعدها بساعه ونصف طلعوني للتنويم
وانتهى الفلم بلم شمل البطله مع البطل عبودي الله يحفظه يارب ويجعله من الصالحين البارين لوالديهم
ادري فقعت روسكم
بس هذي هي افلام الاكشن الهنديه
وعقبال كل البقوشاات بولاده سهله ميسره يارب
😛 ❗ 💡 😆 ➡ 😆 idea:
