عالم البنات النسائي كل ما يخص المرأة العربية من ازياء وجمال والحياة الزوجية والمطبخ
العنوان هو الكلام اللي قاله لي زوجي اليوم قالها لي كذا ( اكرهك وكل يوم يزيد كرهي لك لازم تعرفين هالشي) للاسف قالها
وهذي المره مش اول مره هذي ثاني مره يقولها المره الاولى اللي قالها لي قال انا اكرهك وانا حياتي سيئة وتسوء من يوم اخذتك ومستحيل اجيب عيال منك بعد هالبنت اللي عندنا….المره الاولى كانت الحاله النفسيه جدا تعبانه انا وهو عايشين بغربه وتعبانين حيل حيل سكت ذيك المره وغصييييييت فيها بس قلت اكيد النفسيه هي السبب
..۔ واليوم انا تناقشت معاه نقاش حاد شوي لانه قهرني بموضوع مع اني مكلمته امس قلت له لا تسويها قال ان شاءالله انتي شتبين بس؟؟ قلت له كذا وكذا وكذا قال طيب قلت له انت تاخذني على قد عقلي!! سوي لي اللي قلت لك عليه وانت بعدها حر.. ولما جا من الشغل قال لي انه سوا اللي براسه ولا كاني قلت له شي عصبت وزعلت وتنرفزت..۔الشهاده لله هو رجل طيب وحنون وانا والله العظيم كثير ما كنت اسكت على بعض الكلمات اللي يقطها حبا فيه وصبرا عليه لاني بجد احبه وما زلت احبه وراح اظل احبه بس احس جرحني كثير وماراح اقدر اتحمل اكثر من كذا..۔ انا اعرفه زين والله هو انسان صادق بمشاعره لاقصى حد ولما قال اكرهك هو يعني هالكلمه حرفياً انه يكرهني وانا حاسه بالفعل انه ما يحبني ومتاكده من هالشي بس كل ما احاول اصبر نفسي واقول لما ننقل وتصير االاحوال احسن اكيد هو بيتغير وانا بعد اكيد بتصير حياتنا احلى بس ماقدر اشوفه كل يوم واتذكر كلامه لي جرحني والله جرحني كيف اقابله واكلمه واضحك معاه وهو يقول لي يكرهني كيف اجلس قدام انسان يكرهني كيييييييف؟؟؟!
خصوصا انه انسان مو اجتماعي ابدا دايم بالبيت حتى تعب وانا تعبت وياه 24 ساعه مقابلين بعض تعبنا والله قلت خلني معاه بس كم شهر اونسه ويتونس مع بنوتتنا وبعدها ربكم يفرجها
دلوني خواتي ربي يجزاكم كل خير احس مو عارفه اتصرف صح تعبااااااااااااااااااااااااااااااااااااااااااااااا ااااااانه والله تعبانه 😆 😉 😉 😆 🙂 😐 😀
