الازواج والرومانسية… اراء ومناقشات

يمكن غالبية النساء بتشتكي نفس شكواي
زوجي انسان طيب وحبوب واب رائع واهلي وكل من شافه يمدح فيه..
ويشوف خاطري واغلب الصفات الحسنة بالمختصر موجودة فيه
طيب فين المشكلة؟
المشكلة انه في امور صغيرة جدا في الحياة لكن لها تأثير قوي
مثلا… وهذي هي المصيبة اللي قاهرتني ان زوجي مايحتفل بعيد حب
او عيد زواج.. او شي اسمه ليلة رومانسية
لازم انا استعد لها وافاجئه …لكن هو ماقد فاجأني او حسسني انه مهتم
يعني ماقد جا وفي يده هدية عشان يذكرني بعيد ميلادي او اي مناسبة حلوة
المناسبة الوحيييييييدة اللي يفتكر يفاجئني بيها هي العيد
بس صارت خلاص حركة مألوفة ليلة العيد لازم استلم هديتي
مابغا انا في العيد… ابغا مفاجئة تحسسني باهتمامه وردة مثلا… بالونة
طراطيع…. انشالله دبدوب صغير شافه واشتهى يجيب لي هو
زي ماقلت هي امور صغيرة بس تعطي تأثير حلو
اش فيها لو افتكر مثلا عيد ميلادي وجاب لي انشالله بس كرت مكتوب فيه كل سنة وانتي طيبة؟؟؟؟؟؟؟؟
ليش احنا النساء بس اللي نسوي الاجواء ونتعب نفسنا؟ الرجال ليش مايتحركو شوي؟
مررررة مقهورة احس شوية وابكي
يوم قلت له…يقول مو احنا عايشين مبسوطين؟ ليش تدوري عالنكد؟
قلت له ناخد فندق في عيد زواجنا كنوع من تغيير الجو
صار يضحك ويقول والبزورة فين نخليهم؟ وكل الناس تعرف انه فلان وزوجته
اخذو فندق
طيب مو انت حلالي وانا حلالك؟ انشالله نروح المريخ
وحتى جوا البيت ماله داعي عيد زواج… مو ربي موفقنا في حياتنا ومهنينا
ياربيييييييييييييي والله طفشت…بدأت ابكي ترى
ابغا اغير معاه جو…بس يكون التغيير منه هو مو مني
ناقشوني اقنعوني واللي زيي تضيف على موضوعي